X’Jiġri?

U x’jiġri xħin tkunu bnejtu kullimkien

Xħin ma tħallux roqgħa art fejn tikber warda,

Xħin tkunu għattejtu  dawl ix-xemx

U ddellultu l-imħuħ ta’ din il-ġemgħa;

Xħin tkunu mlejtu kullimkien bl-iskart

Bin-numru diġitali

Li jfissru flus li jfisser ġid

Ma jfisser xejn u jfisser ħafna

Għax ħin bla waqt mar-riħ itir?

Xħin kollox isir sħaba elettronika

U jiena u int ma jkollna xejn

Ma xhiex nixxabtu

Għax ġabuna għarwenin mhux mill-ilbies

Iżda min dinjietna.

U x’jiġri xħin tkunu mlejtu s-sema

Bid-duħħan tal-kokrit u kull inkwinament

Dardartu l-ilma kollu,

Xħin tkunu mmlejtu t-toqob kollha tal-barumbari

U l-mini li l-grieden qed iħaffru

Sakemm ma jibqa’ mkien fejn toqgħod jew titmattar?

U x’jiġri xħin tistenbħu

li issa hu tard wisq

Għax ma tistax tmur lura?

Alfred Grech

18/09/2019