Int Għandek.

Int għandek minn tal-kwiekeb u t-tempesti

U ġejja mid-deżert tal-ħolm u s-sħaħar

Pjaneta ġdida

Univers imbiegħed

U jien għalxejn inbaħħar l-ibħra tiegħek.

Għalina l-ħolm li ħlomna mhux biżżejjed

Jekk inti tibqa’ għaddejja dritta u twila

Fit-triq imfassla tiegħek

Tinsiex minn żmien għal żmien

Ibagħtli ħamiema ġġorr il-ħsieb

Li fuq in-naħħa tiegħek

Hemm iktar ħdura.

Alfred Grech

03/09/2019