Min Jaf.

Min jaf għalxiex ġejt hawn illum

Nistenna li x-xemx tikfes

Biex naħrab il-ħars fiss

Ta’ min hu għami

U l-għadab kbir ta’ min jistenna.

Min jaf għalxiex ġejt hawn illum

Stajt ħadt il-parir tiegħek

Ġejt  hawn għax għamilt wegħeda

Ta’ min irid nithenna.

Min jaf għalxiex qed ngħanni

Aktarx għax f’daqqa waħda

Hawn int ma tgħidli xejn

Nikkuntemplaw il-ġenna.

Alfred Grech

06/09/2019