L-Illuminat.

Għax ħadd ma jrid jindaħal

ir-romblu jkompli jrambal

u jien mintedd quddiemu.

Ir-riħ qed jinfoħ mill-punent

u l-friefet tgerrxu.

Ma niftaarx jien ġenn bħal dan

kemm ilni ħaj.

Trid tmidd rasel fuq il-loppju tal massa

modqija b’dil-orġja tal-banalita’

tal-maltin li jafu x’qiegħdin jagħmlu.

Imbagħad filgħodu nistenbaħ

taħt sema’ li sar iswed

u xemx tinħeba wara ċpar

xħin tara lili.

Xejn ma jkun ġara.

Hemm il-lejl li jixgħel xema

biex iwassal fil-wesa’ tal-ispazju

bla konfini l-aħbar ta’ din ir-ruħ

li telgħet fuq il mambar.

Drabi oħra jaqbadni ħmar il-lejl

u filwaqt li nimxi bla ma nara

inħossni l-illuminat.

Alfred Grech

17/09/2019