Lil Ommi.

Imqar jekk idum seklu

Daż-żmien li nqatta’ ħdejk

Nixtarr is-skiet li jfisser ħafna.

Ma titkellimx u tgħidli

Dak li ħaddieħor qatt ma jifhem.

Nixtieq naf x’ikun għaddej minn moħħok

La dak li tid tgħid ma tgħidulix

Fejn tmur tittajjar il-ħamiema li ħarrbet mill-arka ta noe

F’mergħat u wesgħat ta’ wileġ mingħajr xefaq

Li ma jħaddarx u ma jrawwamx

Biex terġa’ tiġi lura bil-werqa’ taż-żebbuġa fil-munqar.

U jien nerġa’ nerġa’ ntenni

l-għanja li għannejt

u naħseb ħsiebijiet li kont naħseb

fi Ġnien il-Għeden

meta jiena u inti ma konniex nafu

x’inhu ħażen.

Imqar jekk iddum eternita’ dal-waqt tas-skiet

Jien naf x’għandek f’moħħok

U terġa mil-ġdid twellidni

Moħħi mimli bi dħaħen diġitali

Fil-kalzri taż-żmien tal-lum,

Biex nibda’ ngħid li qiegħed ngħix.

Alfred Grech

19/09/2019