Kif Nista’ Ninħall.

Kif nista’ ninħall jien fil-meraq

Jekk il-ħin sar?

Għaliex jiena f’sikkti u wieqaf statwa

U għalhekk niġri ma nistghax.

Il-pendlu jixxengel

Iżda qatt lejn din in-naħħa

Hu xhieda biss li qed jitħarrek iżda mhux tal-ħin.

Għalhekk tista’ ssejjaħli

Xhieda ċirkustanzjali

Bħal meta r-riħ jonfoħ.

Jien qatt  ma tambart l-istess tambur

Li jħabbat ġewwa moħħi

Għaliex ir-ritmu hu divers

Bħas-sħab li jgħaddi jiġri.

Fir-rima li fiha sibna rwieħna

Hemm mewġa li trid twassalna fejn nintesew.

Naraw il-glaċieri jinħallu

U l-baħar jibla’ l-art

Iżda ma nkunu qatt

ix-xhieda  tal-għejbien tagħna.

Kull meta nħossni ngħum fil-wiċċ

Misjuq mill-friefet

Nnibda nifhem

Kemm hu ħafif li ma tkun xejn.

U f’dawk il-waqtiet nibda nikteb fuqi nnifsi

Il-memorji tiegħi, il-pooeżija,

Biex ma nintesiex.

Alfred Grech.

23/09/2019