Konna Nistennew.

Aħna li nistaħbew wara l-purtieri trasluċenti

Konna nistennew il-ġiganti jikkrollaw

Bħalma jaqa’ l-bini xħin tagħwwar madwar il-pedamneti

Il-kollossi fetħu wisq riġlejhom

U ma jilfiħux għat-terrimot

Jew għat-toqol li bih tagħbbew.

Konna nistennew li xħin

Jgħannu s-sireni tinkixef ta’ malajr

Id-djufija tagħna

U l-imperaturi ma jibqgħax isibu

Ilbies li jgħatti d-dnub oriġinali.

Konna nistennew il-miġja tal-messija

Li joħloq algoritmi u parabboli ġodda

Biex jonfoħ f’wiċċ il-mewt

U jibqa’ jingħaraf.

Konna nistennew. Iżda hawnhekk

Qiegħdin ġo Lilliput nammiraw

Il-ġiganti u l-allat tat-tafal.

Alfred Grech

27/05/2020.