Hekk Biss Sabiħa.

Hekk biss sabiħa l-ħajja meta t-toroq

Ċimiterju - għax hawn il-ġdiem u l-pesta

U tiġi wiċċ imb’wiċċ mal-baħħ jirbombja,

U tasal f’tarf it-triq u f’tarf ix-xifer.

Għax jista’ jkun li hekk ikun xħin tgħaddi

għan-naħħa l-oħra, bla ħsejjes, bla pompa;

Fuq kollox ma tkunx taf għax mank tintebaħ.

Jien nieqaf issa waħdi fuq saqajja

Jew fuq spallejn l-iġganti biex inħares

Bħal kienet din xi tappa tul il-mixi

Lejn il-baħħ, lejn in-nisi, fejn xejn aktar

ma jiswa’ għax drajtf’wiċċ l-infinit inħares.

Alfred Grech.

17/03/2020.

Tiftakar?   2.

Tiftakar għal waqt wieħed

Qed jaqbdek it-tkexkix,

Ħassejt tregħid f’wiċċ l-ilma

Jew li hawnhekk mintix?

Tiftakar għal waqt wieħed

Ħassejt l-irdum idur?

Ħassejt il-ġebel għoli

Jitgħawweġ kull ma jmur?

Ftakart int f’daqqa waħda

Trid tmur, il-ħin kien sar,

Tħallix lil min jistenna

Inkella ssibek agħar.

Intlift fil-ħoss tal-ilma

Intlift fir-raġġ tax-xemx,

Ma rasek tonfoħ żiffa,

Waqtiet li bħalhom m’hemmx.

Issib li trid titlaqni

U tgħaġġel ’mma dan għalfejn?

Idejk lilhinn mix-xefaq

Middejt, ’mma kien għalxejn.

Alfred Grech

27/06/2020

Nisfuljaw Il-Petali.

Nisfuljaw il-petali tal-ward

U nħalluhom jittajjru mal-irwiefen,

Issa li bdejna ninnamraw

Mal-buffuri u mat-tempesti.

Niftħu beraħ il-persjani

U t-twieqi tal- għorof tagħna

Nisimgħuom jissabbtu xħin jonfoħ ir-riħ

Bħall-kotba li jingħalqu

Biex jiskuntaw il-malinkonija.

Imbagħad xħin jersaq il-lejl

Niġbru waħda waħda dawk li ntilfu

U norbtu ħżiemna mill-ġdid

Biex insellmu lil min telaq.

Alfred Grech

27/06/2020.

Lanqas Nista’ Nagħmel.

Lanqas nista’ nagħmel ta’ bir-ruħi

Qed nikteb dawn il-versi bħala xhieda

Ta’ qalb li waqqfet tgerrem id-dras tal-ingranaġġ.

Jekk iġġelben demgħa ma ħaddejja

Ġewwa fija jsir għadira skiet u solitudni.

U inti tgħid li ma kien xejn

Kien biss ir-riħ li jgħaddi

Għaliex fil-bogħod tinstema’ tidwi

l-għanja tas-salvazzjoni.

U lanqas tista’ ma grampun iddendel

Dat-tqanqiliet, waqtiet misruqa,

Dal-ħsibijiet ta’ kull filgħodu

Għax taf li kull ma jmur ir-rota taħleġ

It-turmenti, l-ġranet u l-minuti.

Imbagħad noqgħod nisma’ l-għana

Tas-sireni u nintona taħbit qalbi

Ma dak tal-mewġ tal-baħar

f’kantaliena li traqqad.

Għax ma ssib xejn xħin tfittex

Għajr l-għabra, l-għanqbut

U s-sens ta’ nosalġija

Alfred Grech.

26/06/2020.

Imqar Hawnheħħ.

Imqar hawnhekk xħin tibda’ ġejja l-ħamla

Ħadd ma jfaqqafha;

Xħin jaqgħu l-kolossi b’riġlejn tat-tafal

ix-xbiehat minquxa li quddiemhom

il-folla storduta kient illuppjata

jinstema’ l-għana tal-osannna fil-goli tas-smewwiet.

Għax mis-smewwiet bdew jaqgħu waħda, waħda,

Il-kwiekeb feruti u l-anġli tar-rerwwixta

Għamlu festa għax m’obdewx

Jew kienu jafu aktar minn ħaddieħor

U wiegħdu l-ġenna fl-art.

Imqar hawnhekk bdiet nieżla xita ta’ ġebel

U nirien bħal fuq il-ġżejjer li jiżnhu

Għax intilfet l-irġulija u s-sewwa sar

Minn kull lewn bħal-qawsalla

U s-sireni baqgħu jgħannu biex kullħadd jitlef it-triq

Għax jitlef ir-riħa tal-mogħdija mnejn kien jgħaddi.

Hawnhekk ukoll il-kobba mħabbla

Ċippitatu jdur dawrien b la sens

U żugraga li kienet dinja li tilfet id-dawrien.

Għalhekk ejja niżżu ħajr lil dawk li jxandru

Għax issa lanqas temmen mhu se tibqa’

Xħin tara l-kitba fuq il-ħajt

U l-irwiefen li jġorru t-tiben

Saru jġorru saħansitra l-mażri

Li mal-għonq jiddendlu

Ta’ min kien jaħseb li jista’

Jibqa’ jgħaddi biż-żufjett

Liż-żmien u lil kulħadd.

Alfred Grech

25/06/2020.

Is it true?

Is it true there’s no return

To the dreams we dreamt together

When we could choose the stars

That beconed us

And the moon that danced us off

To the break of dawn?

Whence the precipice

Whence the clif

Or the end of this long journey?

Whence the blow that changed the day?

Whence the killer with the axe?

Is it true there’s no return

To the joys of yesterday

When the plumes held sway

In the brightnss of a day

And the steads kept on their way

On a destined journey?

Alfred Grech

24/06/2020.

153.

U issa nbtaħt li mindu għandi lilek

Insejt li dik m’għadhiex ittektek tiġi

Mat-tieqa ta’ kamarti u tistenna

Li jien niftħilha beraħ biex tista’

Tgħaddi ġewwa bħalkieku hawn kien tagħha.

U issa ntbaħt li l-ħin li ngħaddi miegħek

Sar ħin misruq u xħin inħares lura

Ma nara xejn, jew nara l-baħħ bid-dħaħen.

U issa ntbaħt li għandi nerġa’ nibda’.

Għalhekk tieħux għalik, għażiża tiegħi,

Fiż-żmien li jien nitbiegħed sabiex nogħdos

Fiċ-ċpar  tax-xefaq, dlam is-solitudni,

Inkun qed nistenniha erġa’ tiġi

Ittektek bil-munqar mal-ħġieġ tat-tieqa.

Alfred Grech

23/06/2020

 

Intoxication.

I do not want to live now

I want to live the drif of aberration

The exctasy of the moment

When you do not think because you are alive

Because you only feel

The ebb anbd flow of all the senses

When there is not time

Or time has stopped to flow.

I do not want to know what time it is

What day, what year,

Or look myself into the mirror.

I want to keep on gliding

With the wings of insobriety

As if I will never

Touch the ground again.

Alfred Grech

22/06/2020

Kif Tħossok?

Kif tħossok meta l-logħba

Għada mhix milgħuba

U taf ir-riżultat,

Tkun taf mill-bidu nett

Li qiegħda taħli l-ħin

U tħoss li dawn il-ktajjen

Sawwarthom inti stess

Bħal-lastiku jiġġebbed

U ma jerħilek qatt?

Nitbiegħdu għal ftit ħin

U nerġgħu ma xulxin

Bid-daħka li ma tafx

Il- wiċċ tal-maħbubin.

Mhemm ebda nar li jbatti

Għax nibqgħu aħna t-tnejn

Fil-bank tal-midinbin.

Il-fawra li tiġini

Tgħeżżeż il-pendament

Vulkan li jrid jiżbroffa

Fi ġranet magħdudin.

Imbagħad ‘kk niltaqa’ ma xi pont

Ngħaddi għan-naħħa l-oħra.

Alfred Grech

19/06/2020.

Ridt Neħles Minni Nnifsi.

Il-ħarsa mudlama f’għajnejk

Serqet il-ħemda ta’ dik id-dinja

Li konna drajna .

L-ilwien ilellxu f’daqaqa waħda

Tniġġsu u lanqas biss ridt naf

X’għandek xi tgħid.

F’daqqa waħda sirt naf

Li għandek x’tirrakkonta

Li ma kont tiegħi qatt

Iżda l-aktar ħsieb li qed ikiddni

Hu dak li naf x’kont qiegħda taħseb

Li taf kull pass li jmiss

U kull mossa li se nagħmel.

Imbagħad tbiddel it-tbissima fuq xofftejk

Fid-dawl tal-fanal

Li jixgħel sotteran ix-xili.

Jien xtaqt inneħħi jdejk minn fuq għajnejk

Biex nilmaħ l-allat suwed

Kull xħin tintilef

Iżda kull ma ġara kien

Li ġġarrfu ħitan is-swar

U jien għalaqt għajnejja

U nsejt li ridt neħles

Minn kull ma kelli

Ridt neħles minni nnifsi.

Alfred Grech

17/06/2020.

Issa Taf.

Għalkemm għolejna ma kull mewġa

Spiċċajta xorta waħda fuq l-iskolji.

Imqar jekk ninsabu l-bogħod tar-rifletturi

U dak kollu li hu moda

F’għajnejjna jidher biss

Dak li ħaddieħor lanqas jara.

Taf li ma tista’qatt tkun bħal ħaddieħor

U dak il-gelgul li qabel kien inixxi

Issa sar biss il-qtar

Li kull filgħodu jibtrebaħ

Mill-gravita’ ma tlugħ ix-xemx.

Issa taf għax nisma’ għanjiet

Li ħadd ma jrid jisma’

U nikteb poeżija

Li ħadd ma jrid jaqra

Hekk li fil-baħar tal-multitidni

Int sir tħobb lil min malajr jingħaraf.

Alfred Grech

15/06/2020.

Għax Kollox Attaparsi.

Lanqas il-leħen m’għadu joħroġ

Ħieles u ferrieħi

Bħal ilma ġieri li jnixxi

Fil-kanali tas-saqwi

Illum qed ngħumi ġewwa baħar imdardar

Ikkalzrati fid-dawl u fil-konkrit.

Lanqas ir-riħa tal-qronfol u tal-ġiżimin

M’għada tinxtamm

Fil-ġonna deżolati ta’ din il-plajja

Fejn jirgħu l-għasafar tal-ħtif

U jimxu l-misruqin ta’ mingħajr djar.

Xejn, kollox ilellex fl-ilwien artifiċjali

Fid-dħaħen efimerali

U fis-swied imdennes

Ta’ għamliet tridimensjonali.

Ħajjithom mhix itwal minn tal-ward

Li jiftaħ filgħodu u jagħlaq

Fin nżul ix-xemx sajfija.

Għax kollox attaparsi.

Alfred Grech

13/06/20202.

Fittixni

Fittixni f’xi żiffa li tkun għaddejja tmelles

Il-mewġ tal-baħar li m’għandiex mill-

Ħafna wegħdi tal-bnedmin

Jew f’xi twerżieqa ta’ vjolin skurdat

Jew f’xi nota nieqsa ta’ xi sinfonija

Li qatt ma nkitbet.

Jien ridt inkellmek

U ngħidlek ħafna ħwejjeġ

Iżda mbagħad bqajt waħdi nitħasseb

Fuq dak li stajt intenni.

U meta sewwasew sejjaħtli

Żlaqt fuq kull żurżieqa li żżerżaqna fuqha

U sibtni qed nitbandal fuq il-bandli

Ta’ tfulitna.

U jekk xi darba għad niltaqgħu

Issejjaħlix iżda aħseb fuq dawk il-waqtiet

Li qatt m’għaddew bejnietna.

Alfred Grech

12/06/2020