153.

U issa nbtaħt li mindu għandi lilek

Insejt li dik m’għadhiex ittektek tiġi

Mat-tieqa ta’ kamarti u tistenna

Li jien niftħilha beraħ biex tista’

Tgħaddi ġewwa bħalkieku hawn kien tagħha.

U issa ntbaħt li l-ħin li ngħaddi miegħek

Sar ħin misruq u xħin inħares lura

Ma nara xejn, jew nara l-baħħ bid-dħaħen.

U issa ntbaħt li għandi nerġa’ nibda’.

Għalhekk tieħux għalik, għażiża tiegħi,

Fiż-żmien li jien nitbiegħed sabiex nogħdos

Fiċ-ċpar  tax-xefaq, dlam is-solitudni,

Inkun qed nistenniha erġa’ tiġi

Ittektek bil-munqar mal-ħġieġ tat-tieqa.

Alfred Grech

23/06/2020