Hekk Naf inħobbok Jien.

Iżda jien ma nafx inħobbok

Jekk mhux bħan-naħal li jidħol ġewwa l-warda

U jogħodos fil-benna tagħha

Inkella bħal frafett li jiżżegleg u jiiżżarġan

Minn fuq warda għal fuq l-oħra.

Iżda jien ma nistagħax inħobbok

Jekk mhux fid-duħħan u ċ-ċpar

Tal-alluċiazzjoni ta’ waqt wieħed

Li jiswa’ eternita’

Biex għada nqumu t-tnejn li aħna

Nistqasu lil xulxin: aħna min aħna.

Għax jien hekk biss naf inħobbok

Fil-kollizzjoni xemx ma xemx oħra.

Hekk naf inħobbok jien.

Alfred Grech

02/06/2020.