Kif Tħossok?

Kif tħossok meta l-logħba

Għada mhix milgħuba

U taf ir-riżultat,

Tkun taf mill-bidu nett

Li qiegħda taħli l-ħin

U tħoss li dawn il-ktajjen

Sawwarthom inti stess

Bħal-lastiku jiġġebbed

U ma jerħilek qatt?

Nitbiegħdu għal ftit ħin

U nerġgħu ma xulxin

Bid-daħka li ma tafx

Il- wiċċ tal-maħbubin.

Mhemm ebda nar li jbatti

Għax nibqgħu aħna t-tnejn

Fil-bank tal-midinbin.

Il-fawra li tiġini

Tgħeżżeż il-pendament

Vulkan li jrid jiżbroffa

Fi ġranet magħdudin.

Imbagħad ‘kk niltaqa’ ma xi pont

Ngħaddi għan-naħħa l-oħra.

Alfred Grech

19/06/2020.