Minn Dak Kollu Li Għedtulna.

Minn dak kollu li għedtulna ma kien xejn

U lanqas il-ħarsa t’għajnjkom

M’għadna niftakru.

U issa lanqas nafu aktar

Lil min se nemmnu.

Hawn wisq bżar fl-għajnejn

U x-xita qliel ta’ gideb ma waqfitx

U issa lanqas nafu aktar

Lil min se nibdew nemmnu.

U ma nafux meta se tibda toqgħod

l-għabra

għax hemm wisq biki tas-sireni.

Ix-xewqa qatt ma ntilfet

Għad-deheb li ma kienx hemm

Hemm biss, għarar u tkissir

Ta’ spazji ġa meħuda.

Imbagħad nibdew nitolbu

Aħna wkoll ġħal aktar kastig

Ħalli magħna jmutu wkoll

L-allat t’olimpu.

Alfred Grech

03/06/2020.