Issa li Għaddiet il-Maltempata.

Issa li għaddiet il-Maltempata

U l-ward li tmejjel reġa’ refa’ rasu

Nistaqsu dan kollu kienx hemm għalfejn

Nistaqsu jekk dal-biża jnixxi

Minn xquq il-ħitan tas-sejjieħ

Kienx mistħoqq.

Issa li l-passa għaddiet u nerġgħu nistgħu

Bħall- bebbux nixirfu rasna minn ġol qoxra

Nistaqsu x’kien tassew li żammna

Magħammdin u magħluqin fil ħabs ta’ ruħna.

Jekk kienx il-biża tal-iħirsa

Jew l-għadu kienx tassew

Mistoħbi wara l-kantuniera

Lest biex jaqbeż fuqna, jew jitkixxef

X’jagħmlu n-nies xħin jinġemgħu

F’merħla.

X’nagħmlu issa tgħid

Li minn dak kollu ma kien xejn,

Inwaħħlu f’min webbilna

U mewwtilna kull kuraġġ?

Alfred Grech.

01/06/2020.