Jekk nersaq lejk

Jekk nersaq lejl fil-ħemda
aktarx ma tismanix,
jekk nersaq lejk fil-leħħa
aktarx ma tagħrafnix

Jekk nersaq, nibda noqrob
u nagħleb kull tiġrib,
u nsib li d-dawl li jgħmmex
inħossok qiegħed qrib.

Alfred Grech
13/05/2018

Like

Like

Love

Haha

Wow

Sad

Angry

Jekk It-Tokki tal-Qanpiena.

Jekk it-tokki tal-qanpiena

iqajjmuk minn dak in-nagħas

f’daqqa waħda teħber qalbek

tgħaddi żiffa u tagħti każ.

Mhux li tara qiegħed jiġri,

dak li ġara, dak li nsejt!

is-sorpriża meta ltqajna

l-ewwel darba u fejn ħallejt.

Iżda l-ħin li donnu waqaf

u inti donnok ma fhimt xejn,

f’daqqa waħda jaqa’ l-biża’

illi ltqajna hawnhekk għalxejn

Alfred Grech

13/05/2018

Lil Sharon II

Għalkemm int bdejt tintilef qalb il-folla jien bqajt narak,

bdejt aktar tidher u tispikka minn qatt qabel,

għalkemm minn taħt l-ilsien int bdejt titkellem

jien smajtek sew, aktar u aktar.

U għalkemm għajnejk baxxejthom, għax mistħija

jien rajthom sbieħ, ileqqu aktar.

Fis-skiet u s-solitudni tax-xintilli

imlejt bil-leħma l-baħħ li hawn madwarna

bil ġid ta’ proża ġdida.

U naf li xtaqt li kemm il-darba ridt tinħeles

mill-ħabs tal-falliment u fanatsija

Iżda li stil li qbadt mexxiek lil hinn minn kull konfini.

Jixirqilha kull għożża u attenzjoni

għaliex imqarr b’kull nifs li nieħu jista’ jkun  

li qed infixklek

u fija jikber biża’ kbir

li ħin bla waqt jispiċċa s-seħer.

Alfred Grech

10/05/201

Imqar

                                

Imqar fit-tokki tat-takkuna

mal-mixi tiegħek hemm tqanqil

ta’ min irid iduq il-ħlewwa

u l-morr sakemm idubu

fil-baħħ tas-skiet.

Imqar fl-ilbies li tilbes

ittenni r-rifless tad-dnub oriġinali

ilbistu dak il-ħin bies tiskantani,

biex tittantani!

Mhemm xejn li nista’ nagħmel jien

bejn l-aħmar tad-dublett

u l-ħsibijiet għad-dell sewdien

li jdawwlu ruħi

Alfred Grech

11/05/2018

Lil Sharon.

Int għandek l-oċean midfun ġo ruħek

għax tgħix fil qrib u tgħix lilhinn mix-xefaq.

Fil-qiegħ tat-tqanqiliet u tal-passjoni

lilhinn minn kull disinn jew kull tifsila.

Is-saħħa t’uragan iġġorrha miegħek

it-tmun f’idejk b’kuraġġ u ntuwizzjoni

ma tibża’ qatt tisfida xi burraxka

u taf kif lir-riħ tgħannaq ta’ kull darba.

Iżżomm fuq il-quċċata ta’ kull mewġa

u turi lil ħaddieħor id-dawl tiegħek.

flimkien mad-dlam fiż-żoni nebulużi

iżżomm mistur għalik. għelm tal-imġarrba.

Għax għandek it-tempesti ġewwa sidrek

u l-fwieħa tal-ward f’Mejju fuq il-ġilda,

int għandek minn tal-baħar f’nofs awwissu

u taf tixtarr tal-infinit il-qawwa.

Alfred Grech

10/05/2018

F’Dil Paralisi Assoluta.

F’dil paralisi assoluta ta’ bla ħsieb u ta’ bla kelma

met’anqas biss it-tmiem li għad xi darba jasal

mhu qed jidher,

ikun il-bogħod jew f’tarf il-preċipizzju,

x’ikun li jiġi x’jgħidli

li llum ma ħlejtx iż-żmien niltaqa miegħek?

Għax għedt li ridt tarani,

u f’daqqa waħda mlejtni bit-toqol tiegħek,

u f’daqqa waħda nkejjlu bdejna

it-tul li hemm bejn l-art u s-sema.

Xi jgħidli li tal-ewwel mhux aħjar

mit-telgħa tal-kalvarju?

Xi jgħidli li mhux wirja din tas-seklu

li nagħmel ta’ bir-ruħi qiegħed nemmen

u wara l-kwinti hemm il karnival

li jibqa’ għaddej s-sena kollha.

Alfred Grech

10/05/2018.

Tistaqsunix il-Għala.

Tistaqsunix il-għala

ninsab iddispjaċut,

id-dinja mhix kif xtaqtha

nixtieqni rrid immut.

Tistaqsuni il-għala

jien magħkom bil-merfugħ,

għax qisu kliemkom vleġeġ

ridt noqgħod ftit maqtugħ.

Mhux hekk jispiċċa kellu

dad-dramm skond il-kopjun,

xi ħadd ibagħbas daħal

u żgur kien xi miġnun.

Alfred Grech

09/05/2018