Pakkett.

Bħar-rigal li tirċievi f‘pakkett

il-ħajja

għax kollox fil-pakketti daż-żmien

pakkett ta’ proposti u ħafna minnhom fil-boros tal-plastik

xħin tiftħu taf issib is-sorpriża ta’ ħajjtek

inkella xejn  ta’ barra minn hawn

kont tistenniha

bħal meta tħares lura lejn il-ħajja

xħin tkun għextha

tistaqsi lilek innifsek

x’kienet tiswiex.

Alfred Grech

07/01/2019

Is-Skiet Tiegħek.

Is-skiet tiegħek xħin tersaq lejja

huwa stunat aktar

mis-solitudni qadima tiegħi.

Is-skiet tiegħek jitkellem waħdu

sabiex jibgħat messaġġ li ma tifhimux

li tifhmu jekk trid, kif trid,

inkella kull kif tista’ tifhmu.

Il-ħarsa tiegħek bħal ta’ xi Dea

li tiġi fuq il karru trijonfanti

jilma fid-dawl tax-xemx

sabiex tagħmini.

Nistgħu noqgħodu hawn

nitkellmu dwar xewqat antiki

u dak li missna għamilna u m’għamilniex

taħt l-għata mieles

tal-kwiekeb li jishru.

Alfred Grech

06/02/2019.

F’Ħoġrok Iġborni.

F’ħoġrok iġborni

kull meta nkun tfarrakt

kull meta nsir mitt biċċa.

Boxxla urini

xħin nitlef it-triq

baħħari ta’dejjem,

jew il-binarji

sabiex insib ir-rotta.

Ħarstek islifni

biex nagħraf id-disinn

f’kaleidoskopju mħabbel

ġol bir tal-infinit.

Kull meta niftaħ qalbi miegħek

inkellem lili nnifsi.

Alfred Grech

05/02/2018.

Tintelaq.

Tintelaq iva

iżda mhux ma kull riħ

mhux mal-kurrenti

li jwasslu għat-telfien.

Tintelaq iva

biss biex tistrieħ

għax ġismek molla

biex taqbeż kull xkiel.

Tintelaq iva

biex tagħżel il-waqt

tintona mar-ritmu

u ssib dak li xtaqt.

Alfred Grech

04/01/2019

Do Not Be An Illusion.

Do not be an illusion like most of them,

Something you are not

But with a hidden aim

For something you want to get

And once you get it

You close the show

To beauty and divinity.

Do not be one of them

A bitch that triggers off

The instinctive arrows of a medusa

To transfix your true admirer

And then showing your true colors

The aspect of a prowling feline

Fighting for instinctive survival

and primordial rest.

But be the energy that renews all life

A Lilith that does not obey,

 the one who flies in darkness

And steels the semen from men

In a somnambular encounter

Or better still, an Astarte

Descending upon men as a fiery star

To reconcile the invisible double

With the one that really is.

Alfred Grech

03/01/2019

X’Ikun il-Vojt Li Tħalli.

X’ikun il-vojt li tħalli x’xħin titlaqni?

Il-ħofra fonda, fonda ta’ bla qiegħ,

il baħħ li lanqas għandu kantunieri

jew il-frammentazzjoni ta’ mera li saret biċċiet?

Kien hemm dwejjaq, kien hemm dmugħ

iżda jien ma qagħadtx nistaqsi

jekk stajtx ngħix il ħajja solitarja

nitkellem miegħi stess jew ma xi ħadd mistħajjel

inkella nidwi l-ħsejjes primordjali tal-univers.

Xħin tlaqt int ħassejt il-baħħ

bla staqsejt il-baħħ x’ikun,

bla staqsejt jien x’kien jonqosni

u jekk din kientx il-weġgħa

ta’ min ħa bil-kbir  għalih

jew jekk kellekx minn dak li xtaqt.

U mbagħad staqsejt jekk kellix nitelaq mal-kurrenti

u nħoss bħalma jgħidu l-għandu jħoss kullħadd

jew nagħmel ta’bir-ruħi

wara din it-telfa’

Alfred Grech

02/02/2019

Nismagħha Rrid Mingħandek.

Xi minn daqqiet nismagħha rrid mingħandek,

għax l-anġlu tiegħi m’għandux leħen

u dak li nisma’ tiela’ mill-abbissi

ikun leħen stunat u mank jinfiehem.

Aktarx ikun xitan li jxidd kostum ta’ mara

inkella n-naħħa l-oħra tal-munita,

kull meta nisfa’ mweġġa’ għax qed nitlef

jinħtieġ li nerġa lura nfittex lilek

inkella nerġa’ lura minn fejn tlaqt

jew noqgħod hawn fil-kwiet nitħasseb waħdi,

u niżen jekk it-tul l-imxejt kien kollu siewi.

Int tista’ għalija tkun l-arkanġlu li ġie jħabbar

li t-tmien qed wara l-kantuniera

u jien nitilef nerġa f’litanija

ta’ bla tmiem u ta bla kuda.

Alfred Grech

01/01/2019