Ħassejtni Sew.

Hassejtni sew matul il vjaġġ li m’għażiltx jiena,

sibt ruħi sew fid-deffa, misjuq mill-bqija

għax kont qed niġri mal-kurrent

u fejn kien qed isuqni

kont niġri mal-oħrajn u nsib il wens tal-massa.

Jinħtieġ li nsib it-triq tas-serħ u tal-fejqan

u din tkun waħda minnhom.

Iżda llum li ġejt fit-tarf ta’ rdum

u ser tispiċċa dil kruċiera

mal-ħafna oħrajn ħenjin għax qatt ma tbiegħdu

nintasab waħdi hawn fuq dan is-sies

f’eżami tal kuxxjenza

nistaqsi lili nnifsi u lir-riħ

ivenven mal-quċċata

kienetx mistħoqqa dit-tkaxkira

jew il ħsejjes kollha li tagħmel kull tfaqqiegha,

jew jekk hijiex din mixja għalxejn

fis-sotterrana tal-inkoxxjenza.

Alfred Grech

13/03/2019

There Comes a Time.

There comes a time

when the chant of the sirens

becomes seductive and inhibitive

to the voyager returning home

from his objective.

-Take away this cup of poison-

but still I plodded on

eternal warrior of this lowly landscape

and faith was then restored with every step I took

forgetting that temptation makes you stronger

and that the answer was implicit in the question.

Alfred Grech

11-03-2019

146.

Jien kont infittex skuża biex niskarta,

Int kont qed tfittex oħra biex tarani,

U jidher li rnexxielek inti l-ewwel.

Imbagħad xħin aħna t-tnejn erġajna ltqajna

Il-ħin waqaf! Int kont qed tħares lejja

U tiflini bla ma tidher u jiena

Kont inħares lejk bla ma ningħaraf..

Int taf fejn nistenniek u taf li niġi,

Hemmhekk fejn ma tarax u d-diskors jieqaf,

Hemmhekk, fejn tisma’ biss tan-nifs il-ħsejjes,

Imbagħad int teħles bħal għasfur mill-gaġġa

Xewqati li ssib l’huma multitudni.

Għaliex minn dak li jien ma ridtx kont nibża’,

U ħrabt minn dak li bżajt li għad ikolli.

Alfred Grech

11/03/2019

Ghax Jiġi Żmien.

Għax jiġi żmien

li l-għana tas-sireni jisseduċi

u l-vjaġġatur li jrid li jerġa’ lura

lejn darhu u lejn familtu

jintilef.

“Neħħili minn quddiemi dan il-kalċi”.

Iżda xorta bqajt għaddej

esploratur ta’ dejjem

il-fidi reġgħet ġiet

għax ma kull pass li nagħmel

kont qed ninsa’ li hu t-tiġib li jrid isaħħaħ

lil qalbieni u li t-taqbida

hi t-tweġiba għal-mistoqsija.

Alfred Grech

10/11/2019

Imbagħad Jasdal il-Waqt.

Imbagħad jasal il-waqt

Li inti wkoll tibda tintebaħ

Li l-ħajja hi li hi,

Li hija ġirja twila li taqtagħlek nifsek

Bis-sensazzjonijiet u l-emozzjonijiet

U taf li l-ħin kollu tkun ilsir

Tal-ġibdiet u ta’ dak li jaħseb moħħok

U li trid tagħti wkoll is--setgħa

Lil min jista’ jagħmillek il-ħsara

U taf li ma jasalx.

Għax fl-aħħar mill-aħħar xi tkun trid inti?

Tkun trid li min jurik jew jgħidlek

Li int ewlieni u inti temmnu.

Imbagħad jiġri li tintebaħ inti wkoll

Li tista tħassar dak kollu li tkun għedt jew ktibt

Iżda ma tistax tħassar qatt

Dak li jixhdu dawk għajnejk.

Hemm idejn li jibqgħu miegħek

Fwejjaħ li ma jħallukx

Għajnejn jisirqu kollox

U ħemda li taqtagħlek nifsek.

.

Imbnagħad jgħidulek li tkun tlift il-boxxla

Jekk tmur tfittex fir-ramel tad-deżert

ix-xemx li qiegħda tibki

jew jekk tkun tara f’kollox

is-seħer tal-infinit.

Hemm tqanqiliet u ċaqliqiet ir-ruħ

Li m’għandhomx leħen

Għandhom biss taħbit il-qalb.

Alfred Grech

09/03/2019

Mara.

Jien nagħrfu dan il-leħen

Il-leħen li jserrħek u li jwegħedek

Li hemm barra qed jonfoħ biss ir-rħ,

Fid-djufija tal-ħlewwa

Fittrasparenzal i ġġibek f’sikktek

U tibqa bla ma taf għaliex tħossok

Li rfist fuq il-ħamrija ta’ Ġnien il-Għeden.

Jien nagħrafha dik il ħarsa

Tal-bestja bla rażan

Imfassla fl-għamla

Ta’ anġlu mingħajr ġwienaħ

Fis-sura  tan-ninfa i tiġbed il-grillu

Ta’ qodos ir-ruħ

Ta’ min ma jistax aktar

Iżomm iż-żelqa abbissali.

Inkella ssir t-tila

Li fuqha rrid nabbozza

Is-sentimanti, il-ħolm u l-fantasija.

Alfred Grech

Jum il-Mara.

08/03/2019

Hekk Biss.

Li Jiġri huwa

li l-għabex jibda jmelles u jgħannaq

it-tondjaturi familjari ta’ ħaddejk

u mis-seħer li kont magħrufa għalih

ma jibqa’ xejn għajr il-fama

ta’ ħafna raxx iraxxax xintilli

qisu r-ragħwa tal-mewġ li jitfarrak ma l-irdum.

Li jiġri huwa

li jiena nibqa’ nishar hawnhekk waħdi

kif minn dejjem kont imdorri

f’solitudni sielma

li tistaqsi u titterrompi

ir-ritmi tal-baħħ ta’ċikli kosmiċi

li kienu minn dejjem u jibqgħu għal dejjem.

Imbagħad niġi ninxteħet għarkubtejja

quddiem l-artal tiegħek biex nammetti

li iva hemm tassew imħabba

li talterna mat-tradiment

bħal pindlu tal-bandla tal-ħin għaddej

mingħajr ma jtektek,

u li jiena u inti hekk biss irridu

nsibu l-miżien  tagħna.

Issa li għajnejja ntlew biċ-ċpar

u dahari miel bit-toqol ta’ ħafna snin

insellem mingħajr ma naf għaliex

is-sebħ ta’ jum ieħor.

Alfred Grech

06/03/2019