134.

Alluċinanti dan l-ispazju ta’ bejnietna.

Int m’għadekx hawn u qisek għadek magħna.

Iż-żmien li kellu jkun hu ż-żmien li kellek

terġa’ tiġi, biex nesploraw u nkejjlu

id-dellijiet fil-ħin li jkunu daqsna.

Biex b’hekk, iż-żmien ikollu kejl fl-spazju

u jsir il punt tat-tluq kull xħin titbiegħed

minni. Isir i-żminijiet li tista’

tgħodd u taqsam fi kxaxen zgħar biex tibqa’

iddur fl-għanqbut u għad titfixkel fihom.

Inkella tibda tiżfen din iż-żifna

mad-dell taż-żminijiet u ddur maċ-ċirku

t’arloġġ l-eternita’ li jibqa’ ċirku,

u jibqa’ jtektek xorta waħda mqarr bla ħabel.

Alfred Grech.

05/11/2017