Ħarifa.

Jaqgħu il-weraq tal-qtigħ il-qalb

Fil-bjar bla qiegħ ta’ dil-ħarifa,

Ifittxu xorti tagħhom fil-buffuri ta’ rih li jobrom

Id-destin tagħom,

Jew tqanqiliet il-qlub inixxu.

Ir-riħ imbagħad iġorrhom b’kollox

Fuq il-bankini ta’ swied mil-qalb tul is-sqaqien dritti u paralelli

Bħat tamiet kollha li jingħataw bis-sieq

U jqarrmċu taħt iż-żraben.

Jien naf li ma kull pass li tagħti

Ma kull żegliga li tiżżegleg

Qed taħtbi salt misteri

U tinfed bit-takkuna ppuntata taż-żarbun

It-tamiet tiegħi.

Iżda l-glorjus u s-sigrieti tiegħi

Għad ileqqu l-fuq mis-sħab fejn qed infittex.

Alfred Grech

10/11/2017