Erħilhom.

Erħilhom l-isqra li sikwit joborxu s-sema bid-dagha faħxi

jirgħu fil-fewġa tal-qerq u tal-ipokrisija

f’dal-jum ifawwar l-infamja u l-mistħija.

Erħilhom dawk l-għorrief li lanqas għandom riffied ta’ skruplu

li jaqbżul bħal għażżiela ġol foresti tad-dlam u tal-għammieq

biex jiġu mbagħad l-ilpup feroċi

joqomsu u jiżfnu żifna fuq l-oqbra tal-martri.

Jien ngħid għalija miniex magħhom,

u qed intenni dina l-għanja

minflok  oħra ghax naf żgur li din mhix poeżija.

Dan hu biss dmugħ tal-kukkudrilli

tnegħida tal-ipokrita,

inkella fissazzjoni biex inkebbes

il vortiċi li fih waqgħet dina l-art

mimli pressjoni.

Din hija narrattiva tal-estasi

ta’ dawk li jagħmlu l-aktar ħsejjes

ta’ dawk li qatt ma taf fejn inti magħom

ta’ dawk l-indottrinati

tal-indixxiplinati

ta’ min qaddis qed jqgħmel

mix-xjaten infernali

ta’ min ix-xrar ikebbes

u barka jġib papali,

Alfred Grech

03/10/2017.