Qed Ngħixu s-Skiet.

Qed ngħixu s-skiet tal-wied imdawwar b’xefaq,

Ta’ ħondoq b’għati sħab mid-dawl imdellel,

Imdawwar dawra mejt gwarniċ il-ħajja,

Li jwaqqaf il-bogħod minnu l-għors tal-qtajja.

Ix-xefaq dawra mejt iżid jistieden

Il-ftuħ tal-kuriduri u tal-fruntieri,

Lil hinn minn dan is-skiet tal-oċeani,

U hemm ukoll fil-baħar għana msikket,

Li tul dawn il-miljuni ta’ snin wasal

Fuq wiċċ il-blat imxier bil-kliem tiegħu.

U hemm se jibqa’ żmien bi żmien itambar

Fis-skiet taż-żmien, għal dejjem sa minn dejjem.

Alfred Grech

31/01/2012