Innu.

Jien dari fuq is-sħab

Is-sema pajjiiżi

Intir minn warda għall-oħra

U nimraħ qalb il-ġiżi.

It-toroq kollha mhux biżżejjed

Biex għad xi darba

Għax fejn ridt nasal ma nafx.

Mill-bqija din biss ħarba.

Il-baħħ għad jirbaħni

Imqar jekk noqgħod għarkubtejja

Biex nitlob nistenna li xi darba

Bħal ruħ nistenniek ġejja.

Jekk għad nirxoxta

U nqum minn bejn l-Imwiet

Għad forsi nibda’ nemmen

U  nitlob hawn fis-skiet.

Jekk norqod nibda’ noħlom

U nara l-qaddisin

Mingħajr id-diadema

Fil-ġenna magħqudin.

La tinsinix jekk qatt

Ma tisma’ ħbari

Jien wild is-sewwa

U d-drawwiet ta’ dari.

Jekk tisma’ l-għanja tiegħi

Bla ritmu din bla rima

Issib li hi bla noti

Għax tkun l-aħħar tislima.

Alfred Gech

24/08/2019