X’Tiġi Tagħmel?

X’tiġi tagħmel jekk kull darba

trid tobromni mal-kurrent,

u tistenna li ntennilek

dak li llum tgħallimt bl-amment.

X’tiġi tagħmel jekk kull darba

li nsejjaħlek titlaq ’l-hemm?

għax hawnhekk il grazzja kollox,

għax id-demm qatt ma jsir semm.

X’tiġi tagħmel? Għax jekk tiġi,

tkun fin-niċċa ma qaddis,

u tintefaħ, tibda’ tiela’

u malajr issir bla pis.

X’tiġi tagħmel biex bħal dari,

timla’ s-sema bil-kubrit,

u flimkien inġeddu nerġgħu

kull tifkira b’dan ir-rit?

Tiġi xejn u fejn int ibqa’,

qabel torqod itfi’ d-dawl,

imbagħad ċempel, għidli: ġejja!

biex intemmu dar-ritwal.

Alfred Grech

18/08/2019