Toħroġ il-Barra.

Toħroġ il-barra lil hinn mix-xefaq

u tqgħti daqqa t’għajn

lilek innifsek u tara

jekk hemmx u jekk hemm

kemm il-leħen hemm jitħadded

u tara jekk tagħżilx imqar wieħed minnhom

illi tagħraf  li hu tiegħek.

Fuq il qċaċet tal-mewġ

jisseqqer il-gawwi

jfittex biex nitrejjaq.

Trid toħroġ il-barra

tfittex ażil bħal għasfur tal-passa

u jgħidulek li postok mhuwiex hawn

jew jisparawlek.

Trid toħroġ il-barra

tfittex ażil mill bombardament kontinwu

ta’dak li jagħmlek int min int

taċ-ċirku qasir

li jnebbaħ dawk it-tqanqiliet

li mbagħad tispiċċa tikteb.

U tistenna li mqar jekk inti ma tifhimx

lilek innifsek

xi darba għad jitfaċċa dak

li jista’ jaqrak u jifhmek.

Alfred Grech

16/08/2019.