Hai Mai Chiesto?

Hai mai chiesto

che questo non e’ quello che dovevi fare sin dal inizio?

che ci sono alte destinazioni

per quali sei chiamato?

Hai mai pensato che il tempo passa senza che te ne accorgi?

Il tempo  passava prima che tu arrivassi

e che passera’ anche dopo la tua partenza,

O forse non passera mai, chi sa?

E che forse non ci fosse il tempo

ed il tempo non sara’. . . . .

Hai  mai pensato

che tutta questa storia

cominciava da chissa quando

e finira’chissa come?

e che con te o senza  te

il tempo ci sara’ per sempre?

Che quando stavi scivolando nella grondaia

il tempo passava ancora,

 anche perhe’ tu non ti accorgevi

che sopra di te billavano  le stelle

Alfred Grech.

08-10-2017

Tkun Biċa Mis-Sistema.

Tkun biċċa mis-sistema

U tidħol fl-ingranaġġ;

Titgħallem narrativa

Li hi wild tar-rappurtaġġ.

Tkun biċċa mis-sistema,

Fejn ma jitniffes ħadd,

Taparsi li qed jiġri,

Għax komdu qed kulħadd.

Għalfuna dak li riedu

Titkellem m’hemmx għalfejn,

Qagħadnielhom aħna għal kollox,

U ħadd ma jsaqsi xejn.

U l-makna tibqa’ tqarmeċ

U r-romblu jibqa’ għaddej,

Id-dras ikomplu jkissru

Biex tinsa’ minn fejn ġej.

Alfred Grech

07/10/2017

Jien Nikteb.

Jien nikteb mhux biex noqgħod

Nitpaxxa b’dak li ngħid,

Bħal min ried jieħu prosit

U jaf li għadu ’l-bgħid.

Bħal min ġol mera jħares

U jogħġbu dal li ra,

Narċisu jħares fl-ilma

U tgħidx pjaċir kemm ħa.

Jien nikteb bħal min jieħu

In-nifs li jsir duħħan,

Bħal min il-pipa jpejjep

U kollni nsir għarqan.

Jien nikteb għax ġo fija

Ibaqbaq kaldarun,

Inħossni rrid nisplodu

U ntajjar il-misħun.

Jien nikteb għax ġo fija,

Iriegħed bħal vulkan,

Bħal riħ li jiknes, jobrom

Sa fl-aħħar uragan.

Alfred Grech

06/10/2017

Inti Li Tħobb Tinħeba.

Inti li tħobb tinħeba

Fid-dalma ta’ bil-lejl

Warajk tħallili r-rieħa

U xewqa ta’ bla kejl.

Inti li tisparixxi

Fid-dħaħen u fi-ċpar

Għasfur li beda jgħanni

U f’daqqa tar u mar.

Inti bħal poeżija,

Xi drabi mka nifhmekx;

Iżżurni xħin jiftillek,

U ara ma tlumekx.

Inti sibilla tbassar,

Nisimgħek, ma narakx,

Fit-tempju mqaddes tiegħek

Tiskanta għax ma nafdakx.

Leħen li qatt ma dewa

Tibbrilla bħal kristall

Il-ħlewwa li ddewwaqni

Daqs l-għasel qed jinħall.

Tikber fil-baħħ li tħalli

Misteru ma taraħx,

Werqa li trid tittajjar

Mar-riħ li ma jiflaħx.

Alfred Grech

05/10/2017

Skiet

Bħal-tren mingħajr binarji,

jew dell li bqajt ma rajtx,

fil-poeija tħalli

il-leħen li ma smajtx.

Dan skiet li qatt ma jdiwi,

isaltan biss ir-riħ,

mal-weraq li jġorr miegħu

fil-misraħ b’ta ġo fih.

Tikber fil-baħħ li tħalli

u mit issir mill-ġdid,

biex terġa’ tisparixxi

fid-dinja tat-taħwid.

Alfred Grech

04/10/2017

Xħin Jerġa’ Jitla’ l-Ajru.

Xħin jerġa’ jitla’ l-ajru,

Fis-sħab tas-sentimenti,

Il-patali tal-warda,

Mar-rwiefen u l-kurrenti.

Tas-sewwa li jixxokkja.

Tal-qalb li tħabbat qawwi,

Lumija qed tingħasar

U l-ħafna krib tal-gawwi.

Kellimtni fuq l-imħabba

Infxilt u tlift ir-radda,

Mal-melħ fid-dmugħ iġelben,

U t-tbajja fuq l-imħadda.

Hu dakl li tridu qribek

Li jixbaħ l-akbar għadu,

Bħal pixxiplamtu jirgħa,

Għax hemm min qed jistagħdu.

Xħin jerġa’ jitla’ l-ajru,

l-riwiefen ta’ ġo fija

Tintasab fuq il-plajja,

U terġa tmur mal-bqija.

03/10/2017

Għalik.

Imqar għalik li trid il-kwiekeb tniżżel

U f’moħħok hemm il-lejl u l-għera t’għada.

Għalik li tqum filgħodu tilbes, toħroġ,

Mingħajr ma tara wiċċek ġewwa l-mera,

Dal-ħsieb, din l-għanja, talba ġdida

Li għandha minn tar-riħ għax fir-riħ twieldet.

Għalik li nżilt fit-toroq iffullati,

Tan-nugrufun, tal-kaos tal-vetturi,

Tal-krejnijiet, tal-ħsejjes u tal-bini,

Tad-dokumentazzjoni diġitali.

Li għandi nbgħidlek jista’ xejn ma jfisser

Stratifkat fil-maniupulazzjoni,

Strutturi u ħafna metodi li jxekklu

Ir-ruħ tal-bniedem ħieles kif jitwieled.

Għalik ukoll qed nikteb dawn il-versi

Nagħtik minn dak li jiena lanqas għandi.

Alfred Grech

02/010/2017