Il-bieraħ fuq xuftejja żifnet żifna.

Il-bieraħ fuq xuftejja żifnet żifna,

Tal-għanja li m’għannejtx; din l-għanja ġdida,

Hekk kif is-sema ħmar u sabet wisa’

Dis-saltna tal-uħux fid-dlam tal-lejla,

U tarf il-jum bil ftit il-ftit kien għereq

U ħaraq it-tamiet minn wara x-xefaq.

In terġa’ tfeġġ minn wara xi siparju,

Jew minn x’imkien minn fejn tkun għada tisreġ

Ix-xemx li għada ssaħħan dal-qlub fietla.

Għaliex għalkemm imbiegħeda mhux mitlufa

U taf jekk tħares lura int sirt statwa,

B’idek fuq il-moħriet, ma tafx fejn sejjra

U jista’ jkun ukoll li għad tinduna

Li ħriġt mir-radda ‘l-barra li bdejt biha.

Alfred Grech

03/07/2007