Int Tgħid.

Int tgħid li m’hawn xejn aktar,

M’hawn xejn, dil-ħajja biss.

Fejn kont int qabel sebaħ

U d-dawl ġie nkiss inkiss?

Int tgħid din illużżjoni

Għax kollox taru mar.

Fejn huma ta’ qabilna

Fil-baħħ xħin il-ħin sar.

Jien bħalek ngħid; xejn  aktar.

Kejjilna tul is-snin,

Il-kejl kien kollu tagħna

Bil-metri, magħdudin.

Bużżieqa li tintefaħ

U ma tinfaqa’ qatt.

Iż-żmien xi darba beda

Xi darba jrid jinħatt.

Jekk f’dal kalejdoskopju

Mużajk iddisnjat,

Jien żġiea ma li jmorru;

Id-dinja fejn spiċċat?

Int tgħid li m’hawn xejn aktar

Xħin tlaqt ma baqa’ xejn

Nispiċċa wkoll nistaqsi

Dan kollu kien għalfejn?

Alfred Grech

24/11/2016