Jiġi Żmien.

Jiġi żmien li mqar il-ward jitbiel

Imbagħad issir waħda minn dawk

Li nixba’ minnhom

Imqar jekk ngħidlek l-istess ħwejjeġ

Mingħajr ħabi

Inkun ninġonġi żewġt itruf li qajla jaqblu

U naf li l-ġrajja avventuruża tagħna

Ma baqgħaliex ġejjieni bnazzi

Għax jien m’għadnix nitmagħha

l-ħatab tal-ħuġġeġa.

U jista’ jkun ukoll li din tkun skuża

Biex jerġa’ jgħaddi

Jum ieħor.

Alfred Grech

18/07/2020.

Iż-Żiffa Ma Qamitx.

Hekk kont ukoll ħlejt ħajjti

Fit-taraġ ta’ bla tmiem,

Minxur mal-kannizzata,

Mhu ġejt qatt il-quddiem.

Imbagħad xħin iċ-ċpar għadda

U l-ajru batta sew,

Sibt illi minn dak kollu

Ix-xejn fil-jiem l’għaddew.

Għaliex ħabib tistagħġeb

Bil-bżieżaq tas-sapun

U tgħid li ż-żmien bħar-riefnu

Imkien ma ssib raġun?

U dawk ta’ fuq il-mambar

Għalkemm kulllħadd paxxut

Qabżiet fi dlam l-abbissi

Mingħajr il-paraxut.

Dawk bħalek bil-kappestru

U bħalek ġew bi żball

Fid-dawl tax-xemx li tisreġ

U x-xema qed tinħall.

Jekk għadek tiggalleġġja

Din sħaba, ma damitx,

Hu biss għax ir-riħ naqas,

U ż-żiffa ma qamitx.

Alfred Grech.

17/07-2020.

Lily.

You may never be that angel

That shook me with your smile

And woke up the thousand sentinels

and contortions of the fantasy.

You may never be the sybil

Who brought home to me

The truths that  never were

Or the whisperings of a goddess

Bent on breaking promises.

Indeed you may have been

A simple temptation

That never got off ground

Fertilising the sweet memories

And the dark instincts of another age.

Alfred Grech

15.07.2020

Jekk Jien Ghamejt.

Jien ghext il-hemda tieghek

fit-titubanzi ta’ jekk ghandix nafdak

u issa li tlaqt

il-poezija tidwi lehnek.

Jien ma baqghalix versi x’nikteb

ghax int kont imdorrija tghaddi minn quddiemi

titperrec fuq habel issikkat

minghajr hwejjeg

minghajr tebgha.

Kont tgfhidli bex niftakrek mhux kif int

izda kif kont nixtieqek.

Ghalhekk kif tridni issa

ma nimmutax

jekk jien ghamejt

u lanqas ma baqa’ xewqa

li nikteb il-poezija.

Alfred Grech

07/07/2020

Hekk Nagħmel.

Hekk nagħmel jien nitlaq u nħallikom

Taħt it-tiġrif imtaqqal imtaqqla bin-nida ta’ filgħodu

Għax ma narax aktar nebħ

Ħlief dak tal-imwarrab li jħoss li hu l-barrani

Fin-nixi tal-ħin ineżorabbli.

Dawn il-kurrenti skontrużi ma jagħmlu ebda sens

Fi ħdan xtajta minsija fejn tistkenn mis-sussulti

U d-dwejjaq  tat-trufijiet li ma tarax.

Għasfur tal-passa bqajt li jaqsam l-oċean

Bil-ħsaibijiet li jinfdu dijademi mingajr irjus

Għaliex fejn qiegħed m’ghandix sabar

Iżda l-art li fuqha mmidd riġlejja

Ma tidher għad imkien inkella bla ma naf

Għaddejtha.

Għax dina wkoll hi amnesija

Jew għana tal-poeta li jinsa.

Alfred Grech

06/07/2020.

 

Xi  Jġiegħlni?

Xi jġiegħelni ta’ kuljum fl-abbissi ninżel,

fis-saltna  ta’ taħt l-art qalb din il-kruha;

ġo dan is-sotterran fin-niċċa tiegħi

niltaqa’ mad-dragun ibiegħ il-blugħa?

Jien naf li waqt bli nikteb dawn il-versi

u tasal sa widnejk din l-għanja fqira

int tħoss li qiegħda tmiss xi ħaġa soda

li postha sabet, u ġġbhiex bi kbira.

 Int taf li malli titlaq il-ħamiema

u tibqa’ ttir u tmur lil hinn mix-xefaq,

fuq ħabel issikkat trid tibda’ miexja

bħal min xejnb ma jibqaglu  u kollox nefaq

Tiċċassa u tqum iġġiegħlek minn fejn qiegħda

għalkemm ma dwarek int ma tafx fejun qiegħda.

Alfred Grech

05/07/2020.

154.

Dik kienet piuttura sabiħa. Aktar

Xejn ħlief duħħan, xintilli minn tal-kwiekeb

Is-seħer mhux ħlief li jidwi l-għana tiegħu

U żfint xħin tlajt fuq palk għall-ewwel darba

Imbagħad tiftakar tibqa’ mqar għal għomrok                                                    

Tilqima mnaqqxa leħħa tixgħel kewkba

Ta’ ragħda illi tidwi tibqa’ għal dejjem.

Kont tgħid l-eternita’ f’għajnejk tpetpita

Biex sibtni ’l-fuq mis-sħab intir u nogħola

U xħin is-seħer jitlaq ninżel l-isfel

U nibda’ ngħix mill-ġdid man-nies tad-dinja

Il-lewn tal-wiċċ fi tlugħ ix-xemx u nżulha

F’imħabba li tmur ’l-hemm minn xfar ix-xefaq

Miżien li jrid jinżamm fir-radda tiegħu.

Alfred Grech

03/07/2020