Ghamilna Żball it-Tnejn.

“Deep down we are all the same. We make the same mistakes and walk around with the same unanswered questions” Paulo Coelho – Adultery.

Għamilna żball it-tnejn

U ħadd ma jrid jammetti

Jien ħsibt li stajt kont int

Mingħajr daqq ta’ trumbetti.

Erġajna hawnhekk it-tnejn

Nistaqsu l-mistoqsija,

It-tnejn għamilna żball

U nġorru s-sens ta’ ħtija.

M’għandix jien lanqas bżonn

Li jkolli lilek ħdejja,

Kont hawn u tlaqtli l’hemm

Biex nerġa’ ngħidlek: Ejja!.

Mill-liema naħħa tlaqt?

Biex issa ġejt kontrija,

Xħin konna t-tnejn flimkien

Spiċċajna t-tnejn mgħobbija.

Alfred Grech

11/01/2017