Indifferenza.

Imqarr li naf li jien twelidt taħt kewkba feġġa,

Fi żmien ħażin u xejn ma jista’ jsir

Biex dan jissewwa.

Imqarr li għall-li ġej hemm min jiftakar

Li jien ma kontx il-vittma ta’ li ġara

‘Mma kelli l-ħila noħroġ minn dal-jasar

Li fih jinsab kullħadd u nħallas prezzu.

Kull meta nwieġeb “iva” għal din is-sejjħa

Ma nafx jiniex żbaljat jew viżjonarju

Għax ruħi qisha sit arkeoloġiku

Fejn jinżlu jħaffru.

U jekk tistaqsi bdiltx il-ħsieb, it-ton, l-istrateġija,

Jien nibqa’ ma nweġibx.

Jien naf li kont ilsir tat-trasparenza,

Passjoni, tqanqiliet jew entużjażmu,

Mistħija, qtiegħ il-qalb ukoll kburija,

Ta’ tradimenti, dwejjaq u rġulija.

Imm’ issa nerġa’ mmur nintefa’

Fix-xmara tifkiriet li tiġri b’lura.

It-tifkiriet imbagħad li jirxuxtaw

Xitana qalil – l-indifferenza.

Alfred Grech.

25/01/2017.