Ċpar.

Il-lejla waqa’ ċ-ċpar tad-dnub bejnietna,

Xħin tistedinni bdejt biex nidħol aktar

Il-ġewwa qalb il ħmura ta’ fl-għaxija,

Fejn hemm il qtigh in-nifs tal-għera t’għada.

Int xtaqtni wkoll nintilef fil-misteri

U d-dubbji li tħallili r-rima tiegħek,

Duħħan li jġorr ir-riħa tal-passsjoni

Duħħan l-irdum fit-tarf ta’ xifer minsi.

Ma jiġri xejn jekk nidħol għal darb’oħra

fix-xejn tas-sensazzjoni u l-irtubija.

Il-molla li tikkarga ragħad u beraq

Hi terremot lilhinn mix-xefaq tiegħi.

Kull meta tgħid li mqar trid tisma’ leħni

Inħossni tiela’ l-fuq u nieżek l-isfel

fl-intensit’ tiddennes fiċ-ċpar tiegħek.

Alfred Grech

29/12/2017