Imewweġ Il-Baħar.

Imewweġ il baħar f’għajnejk

u dik ir-ragħwa li tiżbroffa

hija l-kelma ta’ qilla ridt tgħidli.

Ir-raxx ma wiċċek jikteb sinfonija

ta’ lwien kristallizzat fuq il-qawsalla ta’ħaddejk,

imbagħad taraħ qed jiskot.

Kull meta jitla’ l-ajru jien nistaħba

sa meta terġa’ tiġi ħdejja tistaqsini:

X’ġara?

Ma jkun ġara xejn

għajr li ħin bla waqt tkun ġiet buffura

u jiena ma bqajtx aktar naf min inti.

Alfred Grech

19/12/2017