Il-Ferħa tal-Milied

Ferħ il-milied jistrieħ fuq arbli twal,

Matul triq għamja twassal għal imkien,

Mirfud minn ħbula rqaq t’azzar miġbud,

Tpetpit il kwiekeb jixgħel kullimkien.

Fi dlam tal-itwal lejl u l-iqsar jum

Tax-xitwa resħet tinfed bard irqieq

Tarbija tnewwaħ dak li ma tifhimx

Jekk sebħet hix il-ħlewwa fuq l-għammieq.

Skużat  min qiegħed jirkeb  dahar il-ħmar,

Imperrċa qatta’ kwiekeb imdewwbin

Kull sena trid għad tiġi wiċċ imb’wiċċ,

Bil-flus, bis-setgħa nkella bit-twemmin.

Alfred Grech

20.12.2007