Il-Ħemda Tiegħek Saret abbissali.

Il-ħemda tiegħek saret abbissali

Bħax-xitwa kiesħa xxoqqlok l-għadam

Ma terħi l-ebda kelma.

Jekk tħares lejja ndura madwari

Biex nerġa’ nsib il-fdal tal-kompassjoni

U nfittex ftit ta’ spazju

Fejn mhemmx id-dalma.

Mhumiex biżżejjed il-fjakkoli jixgħelu

Il-wied tat-tenebri u tad-dwejjaq,

Għax ma kull pas li tagħmel qed tħallili

Ir-rima tad-dell tiegħek.

Jien naħseb biss li xejn u xejn ma nbidel

U għalhekk qed jistenniek

Minn waqt għall-ieħor.

Alfred Grech

01/12/2017