XLI.

Xħin int erġajt ħarist fill-baħħ t’għajnejja,

Fittixt biex tara dak li kien inbidel,

Imbagħad imsaħt id-dmugħ minn fuq ħaddejja,

U għal darb’oħra bdejt jien bħal ninfixel.

Irmejt bi żball il-barra minn ġot-tieqa

Dak li maż-żmien daħħalt mill-bieb ta’ wara,

Biex issa fadal biss waqtiet mixtieqa;

Dak ta’ kull jum, kull ħaġa bdiet tindara.

Int għidt li kellek tgħid, erġajt tennejtu,

Jien lanqas sibt il-ħin biex nislet isem,

Il-kliem sabiħ li għedtlek issa nsejtu,

Ħassejtni nerġa’ ntir bħal ruħ bla ġisem.

Ma tmiem il-jum għalkemm nistħajjlek ġejja,

Inħoss xi ħaġa nieqsa, u ftit tal-għejja.

Alfred Grech

25/11/2011