XLII.

Jien kavallier li xbajt fuq l-iskakkiera,

Jien kavallier li jħobb ixul fl-imwiegħer,

Jinqata’ minn mal-kotra bla bandiera,

Ħajjti nilgħaba f’tarf xi rdum imxiegħer.

Infittex lili nnifsi f’dit-triq twila,

Sal-lum ma nafx hux aktar qed nitbiegħed,

Inkella jekk wasaltx, il-mixja tqila,

U dawl miniex qed nara, dak l-imwiegħed.

Mixja fit-tul; mid-dlam għad dawl tal-ħajja,

Stagħniet ir-ruħ kull meta sibt nitlaqa’,

Il-libsa tal-qadim, ħallejt warajja,

Inqum, nitfarfar nerġa’ kull xħin naqa’.

U jekk biex nimxi par saqajn biżżejjed,

Jien ġwienaħ ma nambix, ferħan u ġwejjed.

Alfred Grech

28/11/2011.