Klawsura.

Ma nħalli ‘l-ħadd hawn jidħol

U jirfes f’dil-klawsura,

Jittawwal fis-skiet tiegħi

U jdur u jerġa’ lura.

Imm’int tkun l-eċċezzjoni

Li sibtek hawn quddiemi

Ridt taqsam dal-bogħod kollu

U tfittex hawn minn kmieni.

Inġegħelek terġa’ lura,

Ma wiċċek bieb insabbat?

“Mma naf li hawn se tibqa’

Biex terġa’ tibda tħabbat.

Għalik din avventura

Trid tidħol fis-skiet tiegħi,

U tikxef kull misteru

U s-seħer li nġorr miegħi.

Għalek il-bieb niftaħlek

Nistiednek tidħol ġewwa

U toqgħod tikkuntempla

Xi jfisser sewwa sewwa.

Niftaħlek kemm niftaħlek

Tittawal mhux ġo fija,

Tkun tħares lejk innifsek,

Tingħażel ftit mill-bqija.

Alfred Grech

14.12.2017