Għalxejn Nipprova Noqrob.

Għalxejn nipprova noqrob

U nifhem sew l-għaliex,

Il-“kif” hu kunċizzjoni

Biex  nasal kif u biex?

Id-dlam taraħ jitqanqal

U jgħatti minnufiħ,

Tnehida li trid toħroġ

Mill-fond ta’ bir  bla qiegħ.

Misteru qed iċarċar

U jġelben mal-ħaddejn

U tqum il-mistoqsija,

Dan kollu, dan għalfejn?

Jien naħsbek, jien noħolqok

Għax fik insib bersall,

Irrid f’xi ħadd inwaħħal

Kull xħin fiċ-ċpar ninħall.

U tikber dik il-ħofra,

Fejn nidfen dan l-uġih

L-uġih li jibla’ kollox

Jisfronda sa mill-qiegħ.

Alrred Grech

07/12/2017