Tqila.

Tqila li torbot idejk u tingħalaq ġo gaġġa,

 Ġol-ħabs ta’ dak li ħsibt li jista’ biss ifarrġek .

Tqila li tintrabat

U tixxekkel bix-xatba tiegħek stess li tagħti

Għat-triq li twassal għall-għażliet il-ġodda

It-toroq tal-infinit

Fejn lanqas biss tiftakar

Minn fejn bdejt.

Trid titlaq minn fejn ħallejt is-skiet tiegħek

Trid tħalli x-xtajta desolata u toħroġ mill-baħar li fiħ għereqt

Biex tibda’ turi lilek innifsek it-toroq ġodda li qatt ma terraqt

Jew is-sqaqien li qatt ma dħalt ġo fihom

Li għandhom it-twieqi u l-bibien jinfetħu l-ġewwa

Fejn hemm il-fjamma li tixgħed fis-skiet.

Imbagħad tibda’ tixxennaq

Għal dak li li setgħet kienet tassew

Is-sejħa tiegħek.

Seta’ kellek dak kollu li jilma’

F’għajnejn ħaddieħor

Iżda ħarablek minn idejk

Dak li tassew kont int.

Alfred Grech

30/04/2020.

Ma Jibqa’ Xejn.

Ma tibżax mit-tmellis tiegħi

It-tmellis tiegħi bħal tal-baħar

Daqqa jbewwes l-x-xtajta

U daqqa jkun imqanqal

F’kull meta jitla’ l-ajru.

F’kull kelma li ntennilek

F’kull sillaba mtektka

Hemm int issus u tnaqqar

Hemm seħer ħmar il-lejl.

Mhemm xejn f’dad-dramm

Mhemm xejn wara siparju mxennaq

Xħin jieqaf in-nifs

Jinhtfew ir-rifletturi.

Tilqa’ l-isfida bla ma trid

U tgħannaq is-siġra tal-għerf

U tgħannaq is-siġra tas-salib

U ejja għal darb’oħra

Nitilgħu fuq l-għolja

Nitilgħu it-telgħ tal-kalvarju

Talinqas  għall-isfida.

Ma jibqa’ xejn mil-leħħa ta’ kull waqt

Mid-dħaħen wara l-isplużżjoni

Imbgħad is-skiet, ix-xejn u l-ħemda.

Alfred Grech

29/04/2020.

Bżieżaq.

Bżieżaq tal-arja f’wiċċ l-ilma

Ninġarru mal-kurrenti.

Jekk in-nar trid tiġġilidlu b’nar ieħor

Jekk  għal kull qawwa

Trid qawwa daqsha biex tilqgħalha

Jekk kif jingħad: kelb rieqed la tqajjmux

Mel’issa kunuafu

Li dan hu tir tal-bidu

U terrimot qabel jiżbroffa l-vulkan.

Mel’issa avżati.

Tagħmluna aggressivi

Tqanqluna ġewwa fina

Il-qilla primordjali

Tagħmluna iljuni feroċi

Ma tħallulna ebda għażla oħra milli nkunu

Jekk mhux għedewwa tagħkom.

Imbagħad rebbieħa nerġgħu lura

Mill-ġdid nibdew nilgħabu

Il-logħba tal-imħuħ

Li jiffissaw fil bżieżaq tas-sapun.

Alfred Grech

28/04/2020.

Not Until.

Not until you learn the rhythms

And the rules of this game

Whether it offends all you have learnt

Or does not make any difference

Can you start to float upon the currents

Of these fetid waters which the herd

Calls it daily life to which you have

To bow and adapt like a mutating virus

To be part of the plague or else

Squeeze yourself in to make room

For the higher denomination of “no regrets”.

Not untill you become

One of them would you

Be able to beat them

At their own game which you would not

Because then you excell

And call yourself a hero of a

Feat which is non descript

Because there would be no one else

To applaud you but yourself

And your own pet.

Alfred Grech

27/04/2020.

Let Me Partake.

Let me partake in some of your happiness.

One has to use deceit to get something

that is free, that one should.

Because you have a way

of changing the clours fo the rainbow

and with one stroke of fantasy

blow new breath into the air

that makes the flowers

of my garden bloom.

Look at me like the morning sun

looks upon a new day

and hit me in the manner

of the breeze that scrapes through

the sleeping hills and lamenting valleys.

You can also smite with the brightness

of you glance the desolate ecstasy

of my country.

Alfred Grech

26.04.2020.

Bħal Porvli.

Bħal porvli dawn il-ħsibijiet

U bħat-trab li jinġarr mir-riħ

U jidħol fl-għajnejn.

Xħin infetħu l-gaġeġ ħarġu x-xadini

Jixxabtu mas-siġar tal-bosk

Fejn konna sibna rwieħna.

Issa li erġajna sibna s-skiet

Kien ukoll is-skiet ta’ ruħna

Għax tbieghħedna mid-dħaħen

Tal-illużżjoni u stajna nifhmu aħjar

Għaliex kienet meħtieġ dan it-tiġħrib

U din l-imxija.

Sirna nafu aħjar minn huma tassew

L-anġli tas-sema u x-xjaten tal-infern

U bdejna nitbiegħed minn dawk l-allat tat-tafal

Li quddiemhom konna ninżlu għarkubtejna.

Issa li erġajna sibna s-skiet

Intbaħna li ħriġna wkoll mill-manikomju

U sirna nafu minn tassew huma

Il-qddisin tas-sema.

Alfred Grech

25/04/2020

Illum.

Illum madmad li rassew fuqna il-prepotenti allat

Tal-kuntemplazzjoni tagħna

Darba li tista’ tgħid u tikteb li trid

Fil-klima tal-espressjoni ħielsa

U tal-konfoffa biex ħadd ma jagħrbel

U jgħaddi mill-meries

Biex inqas ma tkun tinftehem

Iktar tintlaqa’ u aktar iċapċpulek.

U għalhekk ejja noforqu l-ħallel

Ħalli ngħaddu minnu bl-inqas ħsara u b’inqas uġih.

Iżda filwaqt li kulħadd kien qed iħares

Lejħ innifsu ġewwa l-mera

Huma ġew u ħadulna l-veduti tagħna

Ħadulna ruħna u dak kollu

Li konna nafu jew drajna bih

U f’daqqa waħda sirna aħna l-barranin

Interrqu das-sqaqien mudlama

Ta’ dil-kuntrada qadima tagħna.

Jibqgħu ma jafux għax moħħom ma jagħtihomx

Kemm huma kbir il-waħx u kemm hi kbira

Il-ħerba li ħallew.

Alfred Grech

25/04/2020.

Mill-Banda L-Oħra.

Mill-banda l-oħra nafu li ma terġa’ lura qatt

Għal ħolm li ħlomna u għall-għażla tal-kwiekeb

Li raddewlna triq imdawwla,

l-għaliex ngħixu qiegħdin

fuq dan ix-xatt ta’ baħar isolat

fis-solitudni tagħna

kuljum u kull filgodu

inqumu nbarrħu bid-duħħan tal-bieraħ

l-iħirsa tal-magħmul li mhuwiex tagħna.

Għalxejn bit-togħma morra f’ħalqa nxejjnu l-mostru li mhux hemm

Bil-mannara tal-qtiegħ il-qalb

U npejjpu għal darb’oħra l-pipa

Tat-tabakk u tal-loppju

Biex mill-ġdid nitgħalmu

Kif nistgħu naqsamu għan-naħħa l-oħra

Ta din l-għadira li ħloqna aħna

F’jum ieħor fejn biex tirbaħ

trid tweġġa’ lill-ħaddieħor.

Alfred Grech

24/20/20202

Int Tlaqt u Ħriġt.

Int tlaqt u ħriġt minn fuq il-palk

Waqt li r-rifletturi kienu fl-aqwa tagħhom

U għereqt fil-baħar ta’ qtigħ il-qalb.

Int’ ħriġt mill-mira tar-radar

Bħal meta jintilef ajruplan

Mingħajr ma ssirt tfittxija.

Int tlaqt id-dramm tagħna ta’ kuljum

Bejn att u ieħor u r-rima li ħallejt

Kienet bla sekwenza

U jiena bqajt intenni waħdi

Minn tlugħ ix-xemx sa nżulha

rużarju solitarju.

Imbagħad erġaj tfaċċajt

Bħalma jitfaċċa dawl tal-fanal

Li juri lill-baħħara li l-art qorbot

U ntfew il-kwiekeb kollha

Ta’ lejl li jrid iferrex id-djamanti

Fuq il-baħar seren.

Imbagħad sirt bħal ġerħa ta’ xi ħadd

Li ndarab għall-għarrieda

U baqa’ ma jistax ifieq minn dik il-ġerħa

Li baqgtħet tnixxi demm u ilma.

Alfred Grech

22/04/2020

You Were.

You were too cluttered up

In your heart with noise of subconsious

Randomness and the voices of daily life

To let some space for my soul whispering.

You were taken up with the songs

Of to morrow and of yester year

Or the anxiety of what you should become

Or what you wanted to do next to listen

To the soft music of my musings.

You wanted to gain time

You wnated to gain space

You wanted to gain eternity

You were not focused.

You were taken up and consumed

By the thought of the time

When you did not need all that

To listen to my voice.

You let too many time limits elapse

And too many hurdles fall

And too many wedges to come between us

In the search of the one thing your never found:

Security.

Alfred Grech

21/04/2020.

Int Tibqa’.

Int ma togħliex aktar

’l-fuq mix-xifer tas-sħab li jiggalleġġja

Fuq xfar inżul ix-xemx imdemmi

Tlewwen bid-deheb u bil-ħmura

Ta’ ħaddejk it-tarf ta jum bla fejda,

Għax għaddiet tgeżwir’ oħra

F’jum ieħor ta’ jasar u ħelsien mill-għarqa

F’jum ieħor ta’ skiet inkandexxenti

Taħt sema jibki l-umdita’ t’April

Imdenndel bin-nida knkullat

Mal-weraq u maz-zkuk.

Int ma titlifx is-seħer

Ma kull pawsa li tagħmel

Għax kull tqanqila, kull ċaqliqa

Tirreġistra graffiti fuq il-ħajt

Li tellajna bejnietna.

Int ma tkunx aktar fuq il-ponta

Ta’ lsieni kull meta nlissen

Xi sillaba stunata li teħel

F’nofs l-għanja li baqgħet qatt ma twieldet

Bħal min jieqaf u ma jagħtasx.

Int tibqa’ tidhirli bħad-dellijiet

F’nofs ta’ lejl u jiena bħal min

Jimxi bla ma jara waqt il-ħolm

Li ninsa malli nqum.

Aktarx li meta nibda ntektek

Fuq it-tastiera biex nibgħatlek xi messaġġ

Inkun taħt is-seħer tal-allat

Tat-tielet u tar-raba’ ġenerazzjoni

Li għandhom is-sens pervers

Li jiġbu saqajn il-bniedem

Inkella kont xi bagħal

Ta’ xi divinita’.

Int tibqa’ dejjem f’moħħi

Bħal ikona li ġġibli r-risq

Jew li quddiemha minn żmien għal żmien

Ninxteħet għarkuptejja.

Alfred Grech

20/01/2020.