Imqar il-Baħar Biddel Fehmtu.

Imqar il-baħar biddel fehmtu

U mit-trasparenza kaħla sar lewn il-fidda

Li jweġġa’ l-għjanejn

U beda jgħajjeb lis-sema’

Li baqa’ bajdan u griż.

Issa wkoll li laħaq tela’ l-ajru

Issa lanqas nistgħu aktar nieħdu

B’idejn xulxin

Għax jista’ jkun li kien l-ajru

Li ttradiena

U aħna issa bdejna nħossu l-morsa

Tal-ħitan ta’ djarna

U naqraw magħmul f’għajnejn xulxin.

Issa l-pajjiż kollu għandu d-deni.

Alfred Grech

09/04/2020.