Limbu.

Fil-Limbu fejn ma tkunx taf aktar

X’inhu jiġri minnek

Hemm il-ħabs ta’ dak li jiġri qed madwarek.

Fil-ħabs fejn xejn ma jiġri ġdid

Kollox jitkejjel bit-toqol tiegħu stess

U toqgħod il-logħba tilgħab bik innifsek

Logħoba li ġa drajt

Logħoba li tilgħaba biex tqanqal ġewwa fik

ix-xintilla tat-tiġrib.

Tista’ tagħmel ta’ bir-ruħek

Li għad tgħix għal dejjem

Għax inti wild l-allat

Fl-evanexxenza tat-tifsir tal-ħajja

Tal-iħirsa ta’ bla għamla

Li jippersegwitawk fil-ħolm qalil.

Fil-ħemda tal-kjostru

Kwarantina tkun bla taf

Jekk hux lejl inkella nhar

Jew jekk għada hux se jisbaħ

Jew jekk jisbaħ ikollokx  għaxja ta’ lejla.

Hawnhekk fil-bitħa ta’ ħabs ir-riħ

Kwaratina mill-inkwinament t’hemm barra

Ma tħossokx ħieles li tista tgħanni

Jew timraħ għax sibt it-tweġiba

Għal kull mistoqsija li staqsejt.

Alfred Grech

03/04/2020