Mhux Int Kont.

Mhux int kont li waddabtli

t-trab f’għajnejja

Kien iż-żmien, kien il-waqt li kont ngħix fih

Kien il-gawwi li tar u reġa’ lura.

Jien bqajt niggranfa mal-qlugħ

Tad-dgħajjsa tiggalleġġja

U sirt l-awtur ta’ narrattiva

Mingħajr karattri.

Int lanqas urejtni bid-draguni

Li wara belgħu l-arja

U ħsibt li bi ftit xorti

Stajt nilħaq saħansitra

l-kwiekeb.

Il-bqija kien kollu ħela ta’ ħin

U dlam il-lejl li fih terraqna

U meta rħejt idejja

Intlift fix-xagħari

Tal-ħajja ta’ kulljum.

Alfred Grech

17/04/2020.