Inti l-Għamla li Trid Tibqa’

Ħares ftit minn wara dahari

u għidli ftit kemm għadda żmien.

Dan hu żmien li ġibt int miegħek

dan hu żmien mirbuħ mill ġdid,

dan hu żmien fejn bdejt inħares

b’lenti ġdida

u stennejt is-seħer ġej.

Ħares ftit lejn din il-għodwa

bdiet timmarka staġun ieħor,

Dan hu żmien fejn nista’ noqħhod

nikkuntempla xefaq ġdid.

Ħares ftit imbagaħad tintebaħ

mhemmx għafejn tagħlaq għajnejk

Inti ġnien mizgħud bil-fjuri

din ir-ruħ ta’ kull xħin jisbaħ

din il-leħħa ta’ kull berqa

illi tiżloq minn għajnejk.

Inti l-għamla li trid tibqa’

mqar xħin jgħaddi kollu ż-mien.

Alfred Grech

05.03.2019  

Għad Jiġi Żmien.

Għad jiġi żmien meta ma tistaqsinix

Mnejn ġejt u trid tagħmilha ta’ anġlu u ta’ xitan

Biex tista tifhem it-taħbiriet

Li għandhom mil-ilwien ta’ xi qawsalla.

U trid tkun tassew luċida u trasparenti

Daqs l-ilma ta’ niexxiegħa

Biex tifhem kliem is-serp li jittradik.

Mill-bqija, tirxoxta u terġa tqum mill-ġdid

Bħal Afrodite minn qalb ir-ragħwa,

Inkella tibqa’ għalxejn tiġġerra

Fit-toroq u s-sqaqien

Tal-irħula u tal-ibliet

Ta’ dawn il-gżejjer iffullati sa ruħ ommhom

U tiskanta li għad hemm min irid

Jimporta aktar nies biex idawwru

Dik il-magna li tissejjaħ

Ekonomija.

Għalxejn tiġġerra qalb l-uċuħ

Ta nies distratti jew illużi

Bid-duħħan tal-frustrazzjoni

Tfittex dak li qed fil-fond bla qiegħ

Tal-univers li hemm ġo fik

U bqajt bla lanqas sibtu.

Jien hu dak l-iblaħ tat-tarokki

Li niżfen fit-tarf tal-preċipizzju

Nittallab merżuq dawl mingħand dawk

Ta’ bla sura u bla qoxra

Mitluf fl-aberrazzjoni ta’ drawwiet

Ta’ kif darrewna.

U fl-aħħar nibda ntenni mqar bħalhom,

Li dan huwa ħelsien

Ħelsien ġdid mil-madmad tal-feddejja

U xorta nibqa’ fuq spallejja nġorr

Il-ħtija għax smajt minnhom,

Iżda mbqagħad, terġa’ u tgħid

Jien x’għażla kelli?

In-nies għaddejja u tibqa’ għaddejja

Purċissjoni bla ma taf tal-purifikazzjoni

Għal maħfra tad-dnubiet u l-wegħedi

Li għamlu ta’ qabilhom.

In-nies għaddejja u tibqa’ għaddejja

Purċissjoni, mingħajr tarf.

Alfred Grech

04/03/2019

Tagħmilni Bħal Farfett.

Tagħmilni bħal farfett kull xħin taqbadni

bejn idejk u toqgħod tmelles

tnehhili l-għabra minn mal-ġwienaħ

l-ilwien illi jsebbħuni.

Tagħmilli bħaż-żunżan iddur ma rasi

taħlita mistika tas-sensi kollha f’daqqa

ma tħallinix indur minn warda għall-oħra

u l-ward ma jiddakkarx.

Żewġ kalamiti aħna

jew nirrumbaw inkella

nitbiegħdu minn xulxin.

Il-ħin, il waqt jew il-burdata

ma iltaqgħux u qisna galassiji

nitfarrku u nsiru geġwiġija.

Bżieżaq tal arja li jinħlew

sakemm jaslu f’wiċċ l-ilma.

Alfred Grech

03/03/2019

Fuq Liema Naħħa?

Jekk tibqa’ twebbes rasek mank titwemmen,

Jekk terġa’ tiġi lura tkun maħfur.

Jekk tgħid li int muġugħ nibdew ninfiehmu

Inkella l-ħajt li tela jkun daqs sur.

Int taf li f’tarf it-triq hemm preċipizzju

U taf li għad trid tagħti rendikont,

fil ħaqq universali mbagħad trid tara

jekk inti għaddejt fuq liema naħħa kont.

02.03.2019

You Caled It Love.

You called it love

I called it many things

but whatever it was

it kept us going in a whirlwind

that eclipse the din outside.

You called it love

I called it reverie,

but whatever it was

it kept our believe

that somehow or other the earth is not all round

that we were aliens treading

on foreign soil

thinking that the only thing there is to life

is life.

You called it love

I called it doom

or a path we had forgotten

and which opened up in front of us

blindfolded and restrained

a tunnel through which we had to pass.

Alfred Grech

02-03-2019

Lanqas Xejn ma Jkun Jimporta.

Jien naqra nkun idejk

Waqt li tmellisli,

U int tkun qisek perla mwieżda mill-arzella.

Dan hu lingwaġġ ta’ min hu kompliċi

Għax nasfu t-tnejn li aħna li ġewwa fina

Inġorru nfern u ġenna.

Għalhekk irridu nibnu

Ħitan inevitabbli

Biex ninwadraw kexxun

Fejn ħadd ma jpffendina

Mingħajr ma nħarsu lura

Mingħajr il-ħtieġa ta x’interpretu

Biex nifhmu d-dinja.

Jista’ jkun ma ningħoġbux

Iżda lanqas xejn ma jkun jimporta.

Alfred Grech

01/03/2019

LXVII.

Jien nista’ naħseb biss x’kont int għalija,

U nibki ż-żmien mitluf, il-ħin li skada,

U nista’ għajnejja nagħlaq fil-mistħija,

Inkella bi tbissima naħseb f’għada.

Jien nista’ noqgħod nibki l-ġenn tal-bieraħ,

Inkella ma naħsibx għaliex nitfixkel

Fil-ħafna trufijiet jew fil-ħolm fieragħ

Li għada din xortija gad tinbidel.

Jien nista’ nieqaf hawn, għax hawn int ħdejja,

U nerġa’ f’moħħi mmur minn fejn ħallejna,

Inħassar il-ħażin li ġibt b’idejja,

U naqbdu t-triq li minna konna għaddejna.

Għalkemm l-imgħoddi tqil inġorru miegħi

Ser nibda ngħix illum, għax illum tiegħi.

Alfred Grech

18-01-2013