Ġie r-Riħ u Ħassar Kollox.

Gie r-riħ u ħassar kollox,

Il-passi mnejn għaddejt

Tal-mixja fuq ix-xtajta,

Kull għelm li kont ħallejt.

Kull torri li stajt tibni

Il-passi tar-riġlejn

Buffura riħ u tħassar

Kull kif ma baqa’ xejn.

Ix-xita tnaddaf kollox

U kollox mar mal-wied,

Dagħbien li jġorr mnejn jgħaddi

U l-kaos qed jidied.

Jekk ħsibt li ħloqt mogħdija

Fejn qabel ma kienx hemm,

Issib li ġiet il-ħamla

U kollox hekk jintemm.

U min għad jiġi wara

Ma jafx minn fejn għaddeejt,

Jew lanqas li kont inti

U lanqas minn fejn bdejt.

Għax aħna hawn fejn aħna?

Għax aħna m’aħna mkien,

Għax kollox għad jispiċċa

Għax m’aħna xejn ħlief żmien.

Alfred Grech

31/08/2017

Ħadd Minnhom Qatt Ma Ħaseb.

Ħadd minnhom qatt ma ħaseb

Setgħax ikun aħjar,

Megħedija lkoll fuq xogħolhom

Biex kollox tar u mar.

U qatt ma ġihom f’moħħom

U lanqas biss staqsew,

Setgħax ikun mod ieħor,

Jinbidel qabel bdew.

U qatt ma reġa’ bdielhom

Jew qalu: hekk mhux sew,

Komplew fit-triq lli qabdu,

Kif marru, reġgħu ġew.

U qatt ma reġgħu ħasbu,

Jew qatt staqsew l-għaliex,

Qed jagħmlu li qed jagħmlu,

Jitfixklu dawn fuq xhiex?

Megħedija fli qed jagħmlu

Jgħadduha hekk kulljum,

S’hemm tasal il viżwali,

Sew dritt kemm jekk mibrum.

Int biss li bqajt titlajja

U d-dubbju jagħmel bik,

Jekk qbatrx it-triq it-tajba,

Jew jekk intix f’sensik.

Alfred Grech

30/08/2017

Jien Ma Kont Xejn.

Jien ma kont xejn,

buffura futuribbli,

qatra nida li nqatet mill-petala,

il-ħsieb ta’ dak li jista’ jkun possibbli.

Jien ma kont xejn,

kont xewqa trid tjassarha,

frażi li ħarġet minn fommok

imbagħad ma stajtx tħassarha.

Jien ma kont xejn,

kont biss tisliba msallba,

qatta’ tqanqil

u mewġ f’għadira mqallba.

Jien ma kont xejn,

Bħall-ilma li tisqini,

xefaq miftuħ,

u baħħ mingħajr konfini.

Kont ħsieb li jqanqal is-sbuħija,

kont  dell li tqanqlet fih il-ħajja,

żewġ linji parallelli darba ltaqgħu,

kont l-aċċident irreġistrat fil-ġrajja.

Alfred Grech

29/08/2017

TU NON PUOI.

Tu non puoi dire no

se glì altri ti costringano.

Tu non puoi dire mai

se il tuo cuore sta spingendo.

Tu non puoi dire basta

se gli angeli vengano a trovarti.

Tu no puoi dire che non e’ vero

perche’  tutto e’ scritto nella tua coscienza.

E percio’

I rimpianti che puoi avere

sono solo I demoni

essendo gelosi della piu’ bella cosa che ti sia mai capitata.

Alfred Grech

29-08-2017

Ma Tistax

Ma tistax tgħid le

Jekk hemm minn qed jitolbok.

Ma tistax tgħid “qatt”,

Jekk il-qalbek qed timbotta.

Ma tistax tgħid “daqshekk”,

Jekk l-anġli jiġu għandek.

U ma tistax tgħid  “mhux tassew”

Għax kollox hu miktub

Fil-ħsieb u fil-kuxjenza.

Għalhekk

Id-dispjaċir li jista 'jkollok

Huwa biss ix-xjaten

Li jgħiru għalik, għax ġratlek l-isbaħ ħaġa.

Alfred Grech

28/08/2017.

Pendlu.

Bħal pendlu li jmur ’l hemm u jerġa’ lura

Int tmur u terġa’ tiġi fejn kont qabel,

Tirbombja kull ċaqċieqa u kull frustata,

Fil baħħ tad-dlam bla qiegħ tal-bir ta’ ruħi

Int bosk li  jaħraq b’ħatbu s-sensazzjoni.

Tinħeba wara l-veli trasparenti

Fil-molla li tiskatta bla tistenna.

Int bajda bħal-liżar li fiħ tinħeba,

Imbagħad issir dak l-anġlu tarsparenti

U tkun il bidu wkoll tat-tentazzjoni

Li mbagħad malajr tinbidel f’fissazzjoni.

Alfred Grech

28/08/2017

Pendulum.

Come il pendolo che oscilla

Risuoni e torni di nuovo come ieri

Rimbombando nelle cisterne vuote della mia anima

E spogliarmi di ogni silenzio.

Come un bosco che brucia con il suo legno

Tu sei bianca come il velo che ti  avvolge,

Sei come la tentazione con cui abiamo iniziato

Diventata poi  un ossessione.

Io sono lo schiavo di ogni tuo capriccio,

Mi incanti con la tua bellezza

O donna di nessuna forma.

Che noia che

Quando mi sveglio di nuovo

E non ti trovo

Devo sempre ri tornare da dove samo lasciati.

Alfred Grech

27/08/2017

131.

U int li għadek hawn iddur u tmekkek,

Għax għadek ma sibtx post fil-purgatorju

Tiġġerra f’dawn l-inħawi fejn la jinbet

Ħaxix ħażin u lanqas ward ma jwarrad.

U int fejn int, maġenbi u qed tismagħni

U taf li ż-żmien għalina qatt ma jagħalaq,

Iżżurni meta trid u dejjem f’moħħi.

Int taf li ebda ċint mhu ser jifridna

U taf x’qed naħseb jien, x’ser jiġri minni,

U taf ukoll li l-mewt biss hemm bejnietna.

Għax int tbiegħedt u tlaqt u l-ebda ġwienaħ

Mhu qatt se jqassru l-bogħod li hemm bejnietna.

Aħna riħ li jilgħab qalb il-friegħi,

Aħna żmien li jgħaddi ineżorabbli.

Alfred Grech

26/08/2017

Meta Ma Jibqagħlniex Xi Ngħidu.

Meta ma jibqagħlniex xi ngħidu

U jiskot ta’ bejnietna ż-żarżir

Ta’ rota ta’ karettun li tilfet in-nofs tagħha

U nibqgħu ma xulxin għax imdorrija,

Inti ssir il-kwadru ta’ mal-ħajt

U jiena nibda nfittex sulfarina.

Meta għadna ma xulxin

U ngħidu ta’ kulljum ġagulatorji li ’ssa drajna

Sa miċ-ċokon,

U ngħidu lilna nfusna

Li baqa’ ħafna żmien sa meta jilħaq l-għabex

Ninqabdu ġewwa għanqbuta

Ta’ dak li sibna ruħna fiħ mingħajr ma ntbaħna

Li konna biċċa minnu.

Alfred Grech

25/08/2017

U Trid Tkun Dejjem Int.

U trid tken dejjem int

Biex ninsa l-għawġ tal-bieraħ

Li sar duħħan u ċpar,

U telaq mal-kliem fieragħ.

U trid tkun dejjem int

Li tiġi biex turini,

Kemm hu sabiħ il-lejl,

U titlaq u tħallini.

Kull fjamma li tkun xegħelt,

Ħaddieħor jitfijieli

Xħin  ma jerġax tkun int

Arani reġa’ bdieli.

Alfred Grech

23/08/2017

Ci Sei Sempre Tu.

Ma ci sei sempre tu

per farmi dimenticare il male di ieri

che si trasforma in nebbia e fumo

insieme con le parole vuote.

E ci sei sempre tu

che vieni a dimostrami

quanto bella e’ la notte

poi  te ne vai e lasciami solo.

Ci sei sempre tu

a darmi l’energia

anche se poi cambi l’idea

ma se non fossi tu

qualcun altra fara’ diverso guoco.

Alfred Grech

24-08-2017

Sibilla.

Fejn inti ja sibilla tal-misteri,

Li tiġi kull xġin trid mingħajr ma tħabbat

Fid-dlam tal-isqaqien, f’widnejja ssefsef

L-għejbien tad-dellijiet ġo ħoġor l-għabex.

Fejn int? Għax xħin infittxek tmur tistaħba

U toqgħod tilgħab miegħi mistoħbija,

Sakemm jien stess nintebaħ li fid-dalma

Hemm mewġ li ma jmewwiġx u hemm il-ħemda.

Jien naf insibek tilgħab qalb il-friegħi,

Mat-ton taż-żiffa riħ f’nofs dan il-wileġ

Imjassar fl-għera mqaċċta li taf tiżra’

Busbies, ħaxix ħażin, malinkonija.

U ma jkun ġara xejn jekk lanqas nasal

Sal-ogħla xifer mnejn intawwal ħarsti

Fuq xefaq jgħib fid-dlam ta sema jnewwaħ

Innu ta’ skiet li jidwi fl-għabex minsi.

Jien nistaqsik hux dan is-sehem li wiegħdtni

U ma niddubitax li għad xi darba

Int tgħidli: ħlejt iż-żmien! imm’ibqa’ fittex,

Sakemm issib l-għanjiet fi ktieb il-ġrajja.

Alfred Grech

23/08/2017

Tintilef fis-seigħat.

Hux dak li kellek tagħmel

U jibqa’ ż-żmien għaddej,

Int lanqas taf tgħix ħajjtek

U sejjer ma tafx fej’.

Inkella timxi mgħaġġel

Fost ħafna tislijiet,

Trid tagħmel kollox f’daqqa,

Tfikilt ukoll fl-għażliet.

Jekk tniggżek il-kuxxjenza,

Għax ftit ikkumplikat,

Tgħodd waħdek is-sekondi

Tintilef fis-sigħat.

Alfred Grech

22/08/2017 

E anche Questa E’ Illusione.

E anche questa e’ illusion,

di parlare e parlare all infinito,

sperando che ci sia una speigazione

dove spegazionenon c’e’,

dove dietro l’angolo

c’e’ il niente,

Vogliamo vivere la vita

come vogliamo, senza sapere o domandare

il perche’ di voler vivere.

E’ solo il correre dietro le speranza

e quello che non possiamo avere

o trovare anche il modo

per dimenticare.

Alfred Grech

Attimi

Attimi di scintille ed entusiamo

che chiariscono il pensiero.

Brividi di stelle tramandati dall’ invisibile

che cadono nel nulla.

Tremolii di fede e di speranza . . .

Rimane solo la consolazione di un ricordo

o forse il rammarico di cio’

che poteva essere

e non e’ stato.

Alfred Grech

21-08-2017

Int. (2).

Int timxi mal-kurrent li jwassal

Lil hinn mill-preċipizzju.

Int tagħmel minni ridt xi kavallier,

Xħin jien newwiltlek idi.

Int ridt tagħmilni gladjatur

Biex tara min ser jirbaħ

U sirt malajr imperatur

Bla kuruna u mingħajr xettru.

Int tħeġġerġ il-ħuġġieġa, u xħin tinħaraq

Trid tara f’min se twaħħal.

Alfred Grech

21/08/2017

Inkun Irrid Intir.

Inkun irrid intir

kull xħin taħraqli n-niċċa.

Imbagħad titlaqli ‘l-hemm

u taħrab u tiżgiċċa,

Impejjep sigarett

inkella nibla’ d-droga,

Hekk biss se jgħaddi l-ħin

u nkun qed nagħmel froġa.

U trid tkun dejjem int

tnessini l-għawġ tal-bieraħ

li sar duħħan u ċpar

tal-blugħa u tal-kliem fieragħ.

Hemm int tagħtini l-gass

u jerġa’ mbagħad jibdieli,

Imnalla li hemm int

ħaddieħor jitfihieli

Alfred Grech

20/08/2017

Aħseb,

 kemm hawn min m’għandux x’jiekol

u mċaħħad minn kull ħaġa.

Aħseb,

kemm hawn min m’għandux x’jagħmel

u u jgħaddi ż-żmien fil-ħela.

Aħseb,

kemm hawn min hu batut

u ma jistax jitħarrek.

Aħseb,

kemm hawn min hu kkalzrat

u lanqas jista’ jimraħ.

Aħseb,

kemm hawn min hu konfuż,

u lanas jaf x’se jagħmel.

Aħseb,

kemm hawn minn bħali u bħalek

għaġnuh, serqulu ħsiebijietu,

m’għadux jaf jaħseb b’moħħi.

Alfred Grech

20/08/2017 

Din Ukoll.

Din ukoll aberrazzjoni

Li jiġi ħdejk u naħseb

Li int qatt stajt iddeffes

Il-forma fis-sustanza

Din ukoll hi illużżjoni

Li tgħid ma tinbidilx

Imbagħad arak tinbidel.

U din kumbinazzjoni

Li ltqajna t-tnejn flimkien

Mingħajr ma biss staqsejna

Lil xulxin min aħna

U mbagħad spiċċajna hawnhekk

Nilgħabu mistoħbija.

Alfred Grech

19/08/2017

Ilkoll Hawenhekk Qiegħdin.

Ilkoll hawnhekk qiegħedin,

Noħolqu l-illużżjoni,

Biex nagħmlu teatrin

U nżidu s-sensazzjoni.

U nkomplu nimxi l-pass,

Noħolqu sfidu ġodda,

Infasslu ħsieb fi ħsieb

Li tagħhom sirna l-għodda.

Tagħlim noħolqu ġdid,

U nfasslu teoriji,

Li tagħna jsiru t-triq

Mal-ħafna profeżiji.

U mnalla li kien hekk,

Nitgħallmu ngħixu l-gidba,

Għax taqa’ f’konfużjoni

U titlef bla ma tibda.

Irridu naljenaw

B’kull ħsieb sikwit imferrex,

Naħarbu ‘l-min jistaqsi,

Ħassieb li baqa’ mgerrex.

Fejn hu serħan il-moħħ,

La hemm min jilgħab bina?

Xħin titlaq hemm il-baħħ

U ħadd ma jħenn għalina.

Żgur għadek lanqas fhimt

Li kollox illużżjoni!

Li xejn ma hu li jidher

Hu bis aberrazzjoni!

Alfred Grech

18/08/2017

Taraġ.

Nitilgħu tarġa, tarġa, dan it-taraġ

Kull tarġa mbagħad tinbidel il-viżjoni,

Kull meta għażilna triq fi sqaq spiċċajna,

U ħsibna li s'hemm twassal il-missjoni.

Kull meta qtajna l-lottu ħadna l-ħajja

Bħax-xtieli u l-ward li ssibhom biss fil-ġonna,

Imbagħad intbaħna li qiegħedin fejn aħna

għaliex imaxejna ma bqajniex fejn konna.

Alfred Grech

17/08/2017 

Int Sehemek L-Emozzjoni.

Int sehemek l-emozzjoni,

Dan tiegħek hu r-rigal,

Kull meta nerġa’lura

 Nintebaħ x’kien l-iżball.

Xħin trid tirregalali

Tellajtni sa fuq nett,

Kull ferħ kull sensazzjoni,

Il-bogħod minn kull suspett.

Li għada jerġa’ jisbaħ

Fid-dieq u swied il-qalb,

U nidħol ġo qoxorti

U negħeda biss fit-talb.

Ta’ jum li qatt ma sebaħ,

Filgħodu qatt ma kien,

Mitluf fl-indifferenza,

U ċpar ma kullimkien.

Int sehmek is-sbuħija,

Int kliemek mimli ferħ,

Xbijietek perfezzjoni,

Jien fik insib is-serħ.

U Għax int daqshekk prezzjuża,

Inħossni qed nirtogħod,

Xemx tisreħ qed taħraqni.

Għal ftit triq toqgħod bogħod.

Alfred Grech.

17/08/2017

Int Biss.

Int biss iżżomm iż- żmien fir-radda tiegħu

Fuq dan il-karużel idur mistħajjel

F’binarji fejn iridu għad jingħaddu

L-eoni ta’ kull żmien li qatt ma beda.

Int biss iżżomm in-nifs, iżżommni nagħaqad

Dawrien ta’ rota ddur taġ-ġifġifogu

Sabiex ma nħoss it-toqol taż-żmien jagħfas

It-toqol illi jgħawweġ dahar il-bhima

Tal-ħin għaddej fir-riti u ċerimonji

B’kuruna t-tnejn f’idejna nirrepetu

Iż-żibeġ bla kulur ta’ mantra antika.

Int trid iżżomm il-mixi bla jieqaf

T’arloġġ li kull ma jmur inaqqar pawsa

Bħas-susa tas-sekondi fejn jintradmu

Tamiet u qtiegħ il-qalb, kull sensazzjoni

Tal-bhima li milwija taħt it-toqol

Trid tbus it-trab tal-art fejn għad tindifen.

Int biss, jew l-illużżjoni li kull għada

Ikun aħjar mill-lum, jew din il-mixja

Trid twassal għal spettaklu fejn jinfaqgħu

Il-bziezaq tas-sapun u  l-miti kollha.

Ma jibqa’ xejn għajr id-dawrien tar-rota

Iddur bla skossi u taħli lilha nfisha.

Insib serħan fil-mixi ineżorabbli

Tal-ħinfejn nibqa’ moħbi l-istennija

Alfred Grech

15/08/2017

Quando.

Quando troverai che la frustrazione

e’ il solo modo per conoscere che tutto questo e’un  illusion.

Quando troverai che nella tua gerarchia delee cose

nulla e niente conta piu’.

Quando troverai che nella tua solitudine

tutto appare piu’ chiaro e trasparente.

oppure che non e’ mai stato.

Quando rivolgi a te stessa

le stesse domande che hai rivolto a me

senza averne una risposta

Saprai che hai gia compreso tutto

Saprai che fin in fondo

sei ancora sulla strada giusta

e’ che non conoscerai altro che

quello che hai gia’ saputo.

Alfred Grech

14-08-2017

Għabex.

Qalb ir-riħa tas-sagħtar jasal l-għabex,

Imbewes  minn tal-lbiċ iż-żiffa tmewweġ,

Minn fuq il-baħar ħiemed ta’ jum sajfi.

Ħawnhekk fuq dil-quċċata jasal l-aħħar

Fit-trasfigurazzjoni tissenjala

It-tmiem tal-jum; il-ħawt tal-eżistenza.

Din l-at li naf, u din ir-ruħ li tnewwaħ

Li fiha mort nistrieħ fis-skiet tal-ħajja;

Hemmhekk fejn hemm il-baħħ u hemm il-ħemda

Tat-tmiem ta’ din id-dinja kif nafuha;

Viżjoni surreali fejn qed jidhru

Id-dellijiet u l-ħsejjes ta’ lejl mieles.

Hawnhekk fejn jien nintebah u nistordi

Kull meta għal rasi jitla’ l-ħsieb imfissed

Tal-Jien. Hemm min irid jitwekka bija

Bħal meta jien nitwekka b’ta’ħaddieħor

Il-mistoqsija.

Alfred Grech

12/08/2017

Poesia.

E non facevo caso di quello che pensavo

scrivendo solo quello

che mi veniva in mente.

Volevo divertirmi dicendo solo quello

che mi sentivo dire.

Era soltanto un gioco da ragazzi

andando alla deriva e cantavo

secondo I miei capricci

e non volevo essere annunziato

prima di essere accettato.

E non sapevo che

anche questa si chiamava poesia.

Alfred Grech

11-08-2017

Missjoni/Vokazzjoni.

Għax aħna qiegħdin hawn

Biex nikkumbattu x-xjaten,

Inserrħu lill erwieħ

U ngħixu qisna slaten.

Għax aħna qiegħdin hawn

Biex naqdu dil-missjoni,

Imbagħad issir poter

Li jkun it-tentazzjoni.

L-oħrajn qed jixxalaw

Fill-qawwa jew fis-setgħa

Kull wieħed jgħid li hu

Qaddej. Dan Kif? U meta?

Alfred Grech

11/08/2017

Qed Tisma’

Qed tisma’ l-krib ta’ ruħi

Jekk tisma’ l-għanja tiegħi,

Qed tisma’ talba fqira

Għal dawk li jishru miegħi.

Ma tridx min ixandarha,

U lanqas ma trid spazju,

Biex timraħ u tiġġerra

Missiva ta’ bla dazju.

Biex tidwi u tkun sinċiera

Mingħajr id-daqq tat-trombi,

Mingħajr il-ħafna frilli,

Mingħajr sparar ta’ bombi.

Mhemmx bżonn min iperriċha

Jew joqgħod ifakkarha,

jonfoħa bħal biżżieqa

Jew joqgħod ifaħħarha.

Jekk tħares fiss f’għajnejja

qed taqra l-fond ta’ qalbi,

Qed tmiss is-sema b’idek

Fejn jitla’ jrid għad talbi.

Alfred Grech

10/08/2017

XXVII.

Jekk lil-Mulej nagħmillu għandi talba,

Tkun dik li darba għad jista’ lili jfejjaw;

Bħal meta x-xita tieqaf wara ħalba,

Bis-sliem u l-ħemda Tiegħu lili jrejjaq.

Għalkemm ma jidher xejn, hi marda twila,

Ta’ taqlibiet, tbandil minn-naħħa għall-oħra;

Daqqiet ngħaddiha sbrixx, oħrajn bi tqila,

Imdejjaq, jew ferħan imqar xort’oħra.

Li kieku għada nqum, dal-ħotob kollha,

Li biċċa ħloqthom jien jew ġew weħidhom,

Jitilqu minn quddiemi, il-bogħod mill-folla,

Bi kwieti jien nixtarr bla ma nisħithom.

Imbagħad daqs tal-verdun tkun l-għanja tiegħi,

Il-bogħod immur intir u nieħdok miegħi.

Alfred Grech

30/11/2011 

Adele 2

Ed anche se non fossi stata

Avrei dovuto crederti

Inventare un altro alibi

Per chiederti un favore.

Anche se non fossi stata

Avrei potuto sognarti

Nel piu’ bel sogno ci sei solamete tu

Semprte tu.

Alfred Grech

08/08/2017

Imlejtu Kull Fejn Sibtu.

Imlejtu kull fejn sibtu

Biex ma ħalljtu xejn

Fejn wieħed jista’ jimraħ

Mingħajr ma jara krejn.

Imlejtu l-bajjiet kollha

Bil-bini u t-tisqif,

Bil-griebeġ, barumbari

Tajbin biss għat tiġrif.

Ħarbattu l-plajja kollha,

Bil-mostri ta’ disinn,

U sraqtu wkoll kull xtajta

Biex ħadd ma jmur lil hinn.

Fix-xitwa ċimiterju

Bnejtuhom għall-ftit xhur

Tas-sajf li jiġi u jgħaddi

‘L-hemm ħadd ma jerġa’ jmur.

Jekk għandkom fejn toqgħodu

M’hawn ħadd li hu bla dar

Fi djarkom sbieħ lussużi,

Għalfejn dal-gallinar.

Ħarbattu kull fejn sibtu

Fejn wieħed seta’ jdur

Rewwaħtu qiskom l-għomja

Lis-suq li beda jfur.

Hu dan tort tas-suq ħieles,

Nuqqas tal-ippjanar,

Jew għax żvilupp ifisser

Mit-taġen għall-ġon-nar?

Alfred Grech

07/08/2017