152.

Hu fit-tfixkil ta’ dak li jiġi l-ewwel

Li sibna ruħna nfallu u tlufniha

ix-xeħta ta’ fidili biex ħallejna

il-mostru tal-gwadann fuq rasna jitla’.

Trid aktar żmien minn tul ħajjet il-bniedem

Biex tifhem sewwasew qalb it-tagħlim

U kellha tkun il-qawwa tal-imxija

Li daħħlet il-bebbuxu ġo qoxortu

U kixfet id-dnubiet fost il-mistħija

Ta’ soċjeta’ ma tafx fejn tagħti rasha

Għax is-sisien mibnija fuq suq ħieles

Fejn dak li għandu, aktar jitkattarlu.

Illum irridu nrażżnu lilna nfusna

Iżd’għada nqumu nibnu dinja ġdida.

Alfred Grech

20/02/2020.

P.S. Miktuba fi żmien meta l-imxija tal-Covid-19 tinsab fl-aqwa tagħha.