Jekk Nilmħek.

Jekk nilmħek għaddejja

Tkun mitlufa ġo xi sħaba

Jew fil-leħħiet tal-beraq

Li jnebbaħ lil-poeta.

Jekk  mistħajjlek

Tkun fil-ġebel mikul tas-swar

Jew fiż-żomor imnaqqax

Ta’ blat id-Dwejra

Fix-xuxa tal-qamar fir-riħ isfel.

Imbagħad narak titbiegħed

Tinħeba bħal ġifen wara x-xefaq

Jew xemx li tilgħab mistoħbija.

It-tifkira tiegħek għad

Iddawwal il-mixi ħieles

Fl-inħawi fejn iterrqu

l-ilpup feroċi

biex nibqa’ ntenni din il-ġrajja

ta’ bla tmiem u ta’ bla rima.

Alfred Grech

09/03/2020.