Kwarantina

Qed jgħidulna nibqgħu ġewwa

għax hemm barra hemm il-waħx,

għax hemm mostru lanqas jidher,

għax hemm għadu ma taraħx.

Qed jgħidulna nibqgħu ġewwa;

qed jgħodulna toħorġux,

u m’għandniex għalfejn niltaqgħu,

ma xulxin ma nitħalltux.

F’daqqa waħda kollox waqaf,

in-negozju w il-kummerċ.

Dawk li kellhom f’moħħom jagħmlu

ħafna flus kemm marru żmerċ!

Izda dawk li qatt ma jixbgħu

baqgħu xorta għaddejjin

mingħalihom xejn ma jista’

lilhom jolqot; Imkabbrin!

Iżda l-dawk ħadd ma waqqafhom

fost il-ħsara u t-tħarbit

jagħfu jbagħbsu, jagħfu jxaħħmu,

għax subgħajhom tal-qarnit.

 U min messu fis waqqafhom

baqa’ jtenni l-istess żball;

xejn ma ntebaħ bli qed jiġri:

Blokka silġ malajr tinħall.

Għax kif tajjeb jgħid il-Malti,

fl-aħħar tasal nhar ta’ Ħadd,

għax xħin theżżeż il kolonni

ma Sansun imut kullħadd.

Alfred Grech

29.03.2020.