Ma Ntbaħtx.

Ma ntbaħtx li xejn ma baqa’ minnek

l-irmied inġarr mar-riħ

Għax kelli ħafna x’nagħmel

għaliex kont aljenat

u bħal ħaddieħor bqajt ninġarr

mal-qawwa tal-kurrenti

u s-sajf qattajtu ndoqq u niżfen.

Imbagħad xħin intbaħt li kont ħallejtna

Bqajt hawn għax ridt li nkompli nonfoħ

Il-bżieżaq tas-sapun

U niġri wara min

Ir-riħ kien eħfef minnu.

Issa li nħares tul il-lenti

Li tkabbar dak li li kien

Nintebaħ kemm inbdilt

Inkella ż-żmien bidilna

U jien bqajt hawn inġorr it-toqol

It-torċa fit-tellieqa

Mill-punt fejn ħallejt int.

Imbagħad ukoll insejt

Dak kollu li ħallejtli.

Alfred Grech

24/03/2020.