Kwarantina.

Mhux il-waqt li toħroġ minn qoxortok,

Agħmel bħal bebbux

Issiġilla l- qoxra

Inkella bħas –sriep,

Oħroġ minn taħt il-ġilda.

Dan huwa l-bir

Li fiħ l-ilma tal-ħajja

Mhux il-waqt li toħroġ barra

Hemm barra hemm id-dardir

Dak li jinkwina.

Jaqtagħlek jiesek u jneħħi l-barrikati

Li jifirdu dak li int minn dak

Li m’intix.

Issa l-waqt

Li tqiegħed darek f’postha

Mhux il-waqt li toħroġ fil-miftuħ.

Hemm bżonn tal-kwarantina

Mhux mill-mard biss.

Imbagħad meta mill-ġdid nitwieldu

Jiġġedded wiċċ id-dinja

Imbagħad ikun il-waqt

Li toħroġ minn qoxortok.

Alfred Grech

13/03/2020.