Issa Daqshekk.

Għadhom ma ntebħux li issa daqshekk

li din l-art fgata

u baqgħu għaddejjin bit-teatrin.

Għadhom ma ntebħux li mhemmx

fejn tasal aktar

li fuq din l-art mixwija lanqas għadek tissaporti.

Għadhom ma ntebħux l-ekwilibristi

li l-ħabel inqatgħalhom

għax hemm il gwerra, ir-rewwixta jew ġiet l-imxija.

Xħin taqa’ x-xafra tal-giljottina

ir-ras tinfired minn mal-ġisem.

Deżert dan jirbombja l-baħħ

abbiss isejjaħ lilu nnifsu

u meta l-ilħna jibqgħu fgati

għalxejn il ħsejjes tal-kakafonija

għax jibda’ jidher sew il-ħmieġ

li kien laħaq inġemgħa.

Min ġie warajhom m’għandux il-ħila

jmidd idejħ u jaqbed jibda jiknes.

Isaltan il-ġullar vaganti

u jostoq wiċċ ir-re tal-karnival

iżd’issa s-slaten ta’ did-dinja

waqgħu huma wkoll

minn fuq il-pedestall

spiċċaw inxtarw ukoll

bħall kulħadd u ġarrewhom il-kurrenti

tat-tixbiħat u tal-ħafna kliem

li bih riedu jinsatru.

Imqar l-allat t’olimpu tgerrxu

ttarxu, għamew inkella saħansitra

tilfu d-dijadema u waqgħu ħabta u sabta

u baqgħu jitgerrbu

għax dak li riedu jgħid ma jinftiehemx

u bdew jiħfiefu wkoll mit-toqol ltal-valiġġi

u bdew jogħlew il-fuq sa saru sħab, duħħan

Għalina issa baqa’ biss il-ħrejjef,

Alfred Greh

22.03.2020.