127.

Xħin bdejt naqrak fhimt sew għax hemm xi ħaġa

Li tgħaqqadna. Hemm skiet, hemm sliem, hemm lemħa,

Hemm daqqa t’għajn minn taħt ta’ min jaf kollox,

Lingwaġġ li jifhmu biss min hu poeta.

Għax f’daqqa waħda n-nies ma tridx tinftiehem.

Għax f’daqqa waħda saret bla raġuni,

Għax f’daqqa waħda qamet konfużjoni.

Hemm fil irqir ħarir li lanqas jidher

Li tħossu biss bħar-riħ li jgħaqqad kollox,

Ukoll jekk minti xejn, mhux ħlief tqanqila

Li jagħmel bugħaddas xħin jinżel l-isfel

Sakemm kull nifs isir artifiġajali.

Xħin bdejt naqrak jien stħajt għax fhimt, xi ħaġa,

Ukoll jekk ma kontx naf int x’qiegħeda tgħidli.

27/05/2017

126.

Ħallini ħa nisimgħek sbejjħa tgħanni

Li bħali ta’ kulljum il-fehema tiegħek

Tħobb tberraħ biex tiżvojta l-paradossi

Li tara jseħħu bla ma taf tfissirhom.

Għax ħielsa u ferriħija l-għanja tiegħek

Li togħola ’l-fuq mis-sħab bla ma titniġġes

Min nugrufun tal-kontra pożizzjoni

U ssir bħal sinfonija twila, twila.

Għax bħalek jien irrid ħelsien infittex

Il-bogħod mir-rbit tal-polariżżazzjoni

U nnaqqx niċċa fl-eteru nviżibbli

Mingħajr ma nħabbel rasi jekk hux nogħoġob

Lil dak, lil dik  u ndejjaq lil ħaddieħor.

Hekk bħal profeta nsib l-isopazju tiegħi.

Alfred Grech

26/05/2017

Int Poeta tal-Penumbra

Int poeta tal-penumbra,

Ħaduhom kollha l-ward li ġejt biex taqta’,

Inkella li saħħruk matul il-mixja.

Poeta tad-dellijiet,

Il-ħin kien sar u inti bqajt ma ntbaħtx

Li ż-żmien kien għadda.

Bqajt ma stenbaħtx

Mad-daqq tat-trombi u l-ħoss tas-sentinella.

Issa tixxennaq xejn,

Fuq l-andar li wileġ iwitti

Is-sħana tax-xemx taħraq ġild il-midneb,

Inti tibqa’ wild qadim jew il-barrani.

Issa, li tista’ tagħmel hu

Li taqbad bħal pittur pinzell u tila

U tibda tpitter.

Alfred Grech

24/05/2017

F’Dan id-Dagħbien Igerwel.

F’dan id-dagħbien igerwel ta’ wiċċ b’ieħor

Tixrid ta’ dmugħ tal-kukkudrilli u krib isteriku ta’ żmien il-melodrama

Sabiex kulħadd jinġarr f’dak it-tidwir tal-uragan frenetiku,

Ta’ għatx klubi u inuman għas-setgħa li mhija xejn

Għajr il-mod ġdid kif twelled il-mostri u l-marjunetti,

Int ja poeżija! Inti fejn hu postok?

X’jagħmel il-poeta mans u ġwejjed

Li jibda jħares lejħ innifsu bħal fil-mera

U jara x-xejn,

U jara l-blugħa ta’ fidi falza

Ta pseudoġurnaliżmu tal-klieb tal-but

Jisker fil-ħelsien tal-espressjoni li huwa assurd,

Abbużat, esaġerat u fuq kollox, manipulat?

Jien naqbad triq bejn xagħri u raba’, bejn sema u art

Li twassal sax-xtut imtarrfa

Inkella sax-xifer tal-irdum fejn dejjem sibtni

Biex noqgħod nilgħab logħob ta’ sogru

Bejn taqa’ u ma taqax

Inħożż kull ħsieb li jiġi fl-arja

Jew nonfoħ bżieżaq tas-sapun

Biex nemmen, li din ukoll hi poeżija.

Alfred Grech

24/05/2017

Il-Kliem Kien Bħa-Żunżan.

Il-kliem kien bħaż-żunżan idur mal-bozza

dawrien mistħajjel  ċrieki intellettali

dawrien fil-vojt  li dak li jkun jidejjaq.

Int tħares lejja għax mingħalik taf kollox

u taf ukoll x’inhu għaddej minn moħħi,

x’irrid, u rrid dak kollu li xtaqt inti.

Għadek ma tafx, bejnietna hemm kjażmu jkexkex

hemm qabża li mhi xejn  hi varjazzjoni

tal-baħħ fejn timraħ  biss is-sensazzjoni.

Int taħseb li fhimt kollox u fhimt lili

u ma tistax tniżżilha għax reġa’ bdieli

u taħlef li ltqajt miegħi kemm il-darba

li tbassar fil-ġejjieni x’nista’ naħseb.

Li kieku kont sirena biex tħajjarni

jien kont mal-arblu l-kbir marbut tal mirkeb

kurjuż biex noqgħod nisma’ l-għana tiegħek

u ħadt għalik xħin jien ma bqajtx nisimgħek.

Lil dak tawħ premju kbir għax ħadd ma fehemu.

Jien lanqas biss ma nifhem lili nnifsi.

Alfred Grech

23/05/2017

Inħares, Ma Naħsinx.

Inħares, ma naħsibx, u nibda’ nistħi,

Ribelli għal ftit żmien għax reġa bdieli,

Imbagħad inċedi l-armi xħin iberraq

U nsir alliev ta’ Bakku f’għalqa dwieli.

Kuntrarjament għalfejn kulħadd kien miexi,

F’dil-marċjafunebri b’għajnejn magħluqa,

Bl-isturdament li toffri kull sorpriża

Fil-baħħ taż-żiffa u fuq is-sħab li jsuqha.

Aġent provokatur minn fuq il-pulptu,

Li ma jkunx hemm ħaddieħor ġewwa l-folla;

Għalhekk ħriġt kemm il-darba mill-filliera,

U l-kantunieri mdallma dorthom kollha.

Biex fl-aħħar tlajt hawn fuq il-quċċata,

Kulljum min-naħħa għall-oħra, kwalunkwista.

Int lanqas hemm għalfejn tkun taf min jiena,

Intir fuq żiffa riħ, ekwilibrista.

Alfred Grech

22/05/2017

Lil Frenċ Tal-Għarb

(F’għeluq il-Ħamsin Sena mill-Mewt Tiegħu)

Ngħanniha din l-għanja li ħierġa minn qalbi

Ngħanniha, ntenniha u magħkom nithenna,

Fir-raħal fejn twieled u għammar ma niesu

Ta’ dir-ruħ qaddisa li llum qiegħda l-ġenna.

Ngħanniha minn qalbi u nsellem tislima

F’għeluq nofs is-seklu, minn mewtu t-tifkira

Tal-bniedrem li fejjaq u saħħar b’imġiebtu,

Eżempju nisrani f’dil ħajja qasira.

Iseddaq twemminu u ħajjtu fil-fidi

Ta’ Kristu fis-sema. ma ommHu ħanina,

Madonna ta’ Pinu, li taħt il-mant tagħha

Kien jishar u jitlob biex tidħol għalina.

Kien umli, kien raħli u tgħallem ftit skola,

Għax ħajjtu fir-raba’ fuq l-andar u l-qiegħha,

Ħidmietu meħtieġa biex tgħix il-familja,

Hekk Alla jipprovdi, x’hemm nieqes mill-bqija?

Mistenni mill-maġbra li ħolqot teatru

Kien bniedem ferrieħi, kien jiġbor madwaru

Ta’ rikreazzjoni kien jiftaħ siparju

Fl-azzjoni Katt’lka u nies tisma’ ħbaru.

Fil-bini tal-maqdes fejn qabel kappella,

Fejn kellmet lix-xbejba s-Sultana tas-sema

Fil-leħen li dewa’ sal-ibgħat fruntiera

Li dawwal ’l-bosta u qanqal ’l-ġemgħa.

Fil-bini tal-Maqdes tal-knisja Ta’ Pinu

Iwieżen minn butu u l-bini jittella’,

Jew jagħmel xi ġabra mar-rettur Dun Portelli

Dan Frenċ kien pilastru, għalih Frenċ kien spalla.

Imbagħad f’daqqa ntebaħ bid-don li taħ Alla

Li jfejjaq ’l-morda, biex jimla’ bit-tama

Lil min fettex  lilu b’kunsilli ta’ ħlewwa

Biex ħajjtu tinbidel, ma jgħix aktar fil-għama.

U jfejjaq ’l-morda u jtaffi kull weġgħa

U jdewwi ’lmin marad u jsewwi kull dnewwa

Kull saram, kull biża’, kull min resaq qribu

Kliem sieber dan kellu li jixhed is-sewwa.

U jderri ’l min talbu juriħ triq id-dritta

Li tfejjaq, li tfarraġ li twassal għas-sewwa

L-uġih kien itaffi, tal-bosta li jiġu,

Fir-ruħ u fil-ġisem u jwarrab kull dnewwa.

Fejn għex ħajjtu kollha fil-wens u fil-ġabra

F’remissa fi trejqa li tiġi qrib daru,

Tal-knisja, ta’ ħutu, man-nies f’qalb ir-raħal,

Ifejjaq, iferraħ lil dawk ta’ madwarhu.

Aktarx kienet l-għira jew kienet il-biża’

Ta’ min jidħol fl-għalqa tal-mediċinali,

U hemm jikkompeti fil-qliegħ u fil-bqija

U jkun fil-mogħodija tal-professjonali,

Li kaxkar lil Frenċ sa fuq l-għatba tal-Qorti

Għax ħaseb li minnu ried jagħmel ġustizzja,

Għax ħaseb li seta’ jinqeda bil-liġi

U jwaqqaf missjoni u lilu jivvizzja.

Għax hekk dejjem jiġri kull meta jiltaqgħu

L-Istat li jrid l-Ordni, biex jagħmel spettaklu,

Ma s-setgha Divina li taħdem fil-bniedem,

Titkellem weħidha u tara l-mirakli.

Għax hekk dejjem jiġri kull meta r-raġuni

La taf u la tifhem lilhinn milli tara,

Ma tħossx l’hemm il-qawwa u s-saħħa fl-ispirtu

Li ġġedded u tbniddel u tkaxkar bħal xmara.

Għax hekk dejjem ġara, għax l-aqwa tagħlima

Taghielna żmien ilu l-feddej  Ġesu’ Kristu

Li ssallab fil-biża’ tas-setgħa dinjija

Fidejn dawk li wewwxu u bagħu jinsistu.

’Mma l-qawwa tas-sema m’hemm ħadd li jifqilha

Għax Frenċ obda l-liġi ’mma nies baqgħet ġejja

Għax waqgħu weħidhom is-swar, barrikati

Għax kienet mixtieqa ħidmietu feddejja.

Għalhekk hawn miġbura f’dal-misraħ il-lejla,

Lil din miġemgħa ejj’ nagħtu tifsira,

Tifħir, ġieħ u għżża, lil dar-raġel ġwejjed,

Għakemm iż-żmien jaħrab trid tibqa’ t-tifkira.

Għax ħajjtu bħal mera, daqs bijografija,

Iż-żmien jgħaddi jiġri ’mma tibqa t-tislima,

U jibqa’ jiftakru bħal għaref u sewwa

Dal-poplu li jemmen, fil-fidi u bil-qima.

U jgħaddi kemm jgħaddi z-zmiern tibqa’ ħuġġieġa

L-imġabba li xerred lejn Ommna Ħanina,

It-talb tagħna tisma’xi grazzja taqlagħlna

Hemm int Frenċ tal-Għarb dejjem tidħol għalina.

Alfred Grech

Mejju 2017

125.

Niktibha kemm il-darba l-poeżija,

Għax għandha ħafna uċuħ tal-poligramma,

Għax jien ma nintlaqatx minn dak li jidher,

U tista’ tkun ukoll bħal leħen ħiereġ

Mid-dlam tal-oqbra, u lili ssejjaħ b’ismi.

U jiena mhux bil-fors li nirrispondi,

Għalkemm naf l’hemm quddiemi tarf il-mixja,

Inti, ja poeżija ma tkunx aktar

Dik-is-sirena tgħanni fuq il-blata,

Imqarr jekk wiċċek jien qatt ma stajt nara.

Li ma rridx nagħmel hu, ma mmurx inwieġeb

Fil-baħar tas-silenzju u bla konfini

Għax hekk la naf fejjn jien, lanqas fejn sejjer

U lilek ma nsibekx, u qatt ma nasal.

Alfred Grech

16/05/2017 

Perche’ Oggi Ci Siamo Incontrati.

Di solito ci sono io, con tutto quello che mi circonda,

con il silenzio e lo spazio infinito

a tenermi compania.

Ma oggi ci sei tu, anche se ancora non ti vedo.

Di solito siamo io ed il tuo sgaurdo,

oggi c’e’ anche il vento che sibila

che mi porta notizie di te.

Di solito faccio lo stesso rito intorno al tuo splendore,

cammino nel cerchio vizioso

con tutta la speranza di quelli che muovono montagne.

Ma oggi non c’e rito nella mente

non c’e’ niente,

Soltanto il sole che si spegne sull’orizzonte.

Ma oggi non mi guarderai con lo sguardo di sempre

e il tuo viso avra la luce che trafigge.

Avrei volute vederti

anche se poi rimango cieco

perche’ oggi ci siamo incontrati.

Alfred Grech

14-05-2017

Il-Bieraħ Kont Ferħan.

Il-bieraħ kont ferħan waqt li kont nghidlek,

Dak kollu li ħassejt u inti fhimtni,

U xtaqna t-tnejn li l-waqt qatt ma jispiċċa.

Illum ma nafx aħniex sejrin niltaqgħu.

Illum mhux biss ma nafx x’ser naqbad ngħidlek

Jekk iċċempilli u tgħidli, ser  tittardja,

Ma ġara xejn, aħjar jekk lanqas tiġi,

M’għadnix li kont u l-għajja tagħmel tagħha.

Il-bieraħ kont bil għatx għal kull taqtira

Illum xtaqt noqgħod waħdi mal-fatati.

Ma nafx jekk għadx tidrani fuq dil-bandla

Nitbandlu t-tnejn li aħna mal-burdati.

Alfred Grech.

13/05/2017

U Jiena Kont Emmint.

U jiena kont emmint li m’hemm xejn aktar

Xi nħallas bħala prezz tal-konverżjoni,

Inkella li dil-laqgħa tagħna l-lejla

Ma kienet xejn jekk mhux kumbinazzjoni.

U jiena kont emmint li din il-ġrajja,

Bħal ħafna oħrajn, ma kienet xejn ħlief sfida.

Fuq ktieb il-ħrejjef konna eroj tal-miti,

U jien nintagħġen nerġa’ f’dinja ġdida.

Alkfred Grech

11/05/2017

Ġurnalista Malti

Ixejjer il-bandiera

U jgħabbi l-karrettun,

U jibla’ r-riħ fl-ixkora

Għax jaħseb l’hu brikkun.

U jista’ jbellagħhielna

Għax jista’ jgħid li jrid

U ħadd ma jista’ jmissu

Sew f’deni sew jekk f’ġid.

U jonfoħ il-bużżieqa

Għax jonfoħ lilu stess,

U jaqbad iż-żurżieqa

Li jagħmel jgħid b’suċċess.

U jaqbad iż-żurżieqa,

Ta’ dak li jista’ jkun,

Biex jirbaħ l-attenzjoni

Ta’ min u ftit miġnun.

U jara ma xhiex jaqbad,

Biex lilu terġa’ ssib,

Imbagħad joħloqlok storja

Għax hawn m’hawen ħadd ħabib.

Alfred Grech.

11/05/2017

Kien Hemm Żmien.

Kien hemm żmien li niftakar u nirgħex,

Kien hemm żmien li waqqgħajtni għaċ-ċajt,

Daqqiet oħra li jdoqqu f’widnejja

U li tgħidli jirbombja mal-ħajt.

Kienh hemm żmien  illi xtaqtek kont ħdejja,

Kien hemm żmien bdejt nistaqsi għalfejn?

Għax dak kliemek jirbombja f’widnejja

Kull ma  tgħidli u ma nkun nifhem xejn.

Kien hemm żmien li rrid ngħaddi mingħajrek,

Kien hemm żmien li kont naħseb biss fik,

U xi drabi nistaqsi dak kollu

Ma jiswiex għax, arak, ħadd għalik.

Kien hemm żmien il-ħin kollu fuq moħħi,

Kien hemm żmien bdejt nistaqsi kontx jien,

Illi xtaqtek daqshekk li ċempiltli,

Iżda waħdi bqajt hawn għax għażżien.

Kien hemm żmien li ridt noqgħod imbiegħed,

Kien hemm żmien li fittixtek fid-dlam,

Imbagħad xtaqt illi tiġri xi ħaġa

U jinbidel li skript ta’ dad-dramm.

Daqqiet oħra kont mimli bil-ħajra

Kien hemm drabi staqsejt: dan għalfejn?

Inti temmen fl-imħabba li tibqa’,

U xi tkun din l-imħabba bejn tnejn?

Alfred Grech

120/05/2017

Jekk Għad Insibek Waħdek.

Jekk għad insibek waħdek

U niftaħ miegħek qalbi,

U ngħidlek x’qed ikiddni,

Int fgorsi tisma’ talbi.

Jekk għandek biss waqt wieħed,

U tħossok ftit trankwilla,

Tismagħni x’għandi ngħidlek,

Tneħħili ftit mill-qilla.

Jekk lanqas ma tkun mngħaġġla,

Nisraqlek waqt mill-hena

Tas-saltna ta’ madwarek,

U l-ħlewwa tas-sirena.

Xħin nilmħek qed titbissem

Jien naf li wasal tiegħi

Il-ħin li qalbi nberraħ

Għax naf li qiegħda miegħi.

Xħin nilmħek qed titbissem,

Għaddiet tkun il-burdata,

Is-sema jkun ibbnazza

Titneħħa l-barrikata.

Imbagħad xħin qalbek sewda

Narak, u wiċċek kiebi,

Immidd idejja u ngħidlek,

Int sejjra tkun fi ħsiebi.

Alfred Grech.

09/05/2017

Hawnhekk. 2

Hawnhekk fejn tista’ timraħ

Fil-kobor tal-ħolqien,

Ġo dil-bużżieqa t’arja

Li tfewwaħ kullimkien.

Hawnhekk tas-skiet is-seħer

Għax xejn u ħadd ma kien,

Għax “issa” jkun għal dejjem

U qatt ma jgħaddi ż-żmien.

Fil-ħemda ta’ filgħodu

Hawnhekk tixtarr fis-skiet,

Fejn lanqas tisma’ leħen

U tqum minn bejn l-imwiet.

Fejn lanqas ma tismgaħha

Ċapċipa tal-idejn,

Fejn lanqas biss tvenvina

Ma tasal sal-widnejn.

Hawnhekk fejn tista’ tegħreq

Ġo baħar l-infinit,

Ta’ nżul ix-xemx ħamrani

U l-għana tal-udit.

Hawnhekk fejn tista’ tgħereq

Fl-għadira tal-ħolqien,

Fejn dejjem tista’ toħlom

U l-mibdi qatt ma kien.

Hawnhekk fejn tista’ taħrab,

Fejn tista’ tkun skartat,

Fejn waħdi, waħdi, waħdi,

Imwarrab, separat.

Fil-ħemda tal-oasi

Fejn jiddi d-dawl t’għajnejk

F’sekwenza xeneġġjata

U d-dmugħ ta’ fuq ħaddejk.

Alfred Grech

08/05/2017

Issa Li Ġejt Tmellisli.

Issa li ġejt tmellisli bir-rix tal-ġwienaħ tiegħek

sirt naf li tiegħek mhix il-ħtija xħin ħassejt li qed titbighed minni,

bħal diwi mtenni li jintilef fil-widien inkella qalb l-għoljiet,

Muntanji glaċjali ta’ żmien fejn kollox qed jinħall u xejn ma jibqa’ kif kien qabel.

Tgħid kienu r-ragħad imxajtan jew sajjetti

tal-ħsejjes epokali, Parousia li tiġi kull tant mien

biex aħna ngħoddsu lkoll ġo dil-għadira tal-ilma mbierek?

Tgħid jiġri dan kull meta jirxuxtaw minn ġo qabarhom, l-iħirsa

tal-konswetudni mansa ta’ dal-ġens imxewwex

b’widnejħ ibbumbardjati bħal leit motif ta’ żmien il-kaċċa

jew bi xniegħat u qlajjiet ta’ skandli, ta’ tixħim, tbagħbis u gideb

u kull abbuiż li tista’ taħseb?

U ma kienx lanqas ħtija tiegħi li ma smajtekx

ja leħen imriegħex u mwerwer xħin tisma’ dad-dagħa kollu,

dal-ħafna ġdiem tal-ħsejjes  li jifqgħu t-tnabar tal-widnejn

u l-ħafna għajdut li jaħsad għax jgħidu li wasal

l-aħħar tal-aħħar.

U lanqas naħseb kienet ħtija tiegħek

għax kif stajt inti qatt tasal biex tinfed

il-barriera tal-ħsejjes u tinġiż vebali ieħor.

Inti ruħ trasfiguranti bħal velu li jagħtti u ma jgħattix

bħal żlieġa li tiġi u tmur u ma tiflaħx  għal ħafna skossi

ta’ min irid iqanqal ħafna rabbja.

Urini biss li għadek hemm u trid terġa’ tiġi

bħal dik it-tajra li ma nsietx min kien rabbiha.

Alfred Grech

07/05/2017   

Ejj’Għidli Fejn Wasalna.

Ejj’għidli fejn wasalna

id f’id fuq dan ix-xifer,

Ejj’għidli kid se nkomplu

mingħajr ma nxelfu difer.

Ejj’għidli kif wasalna,

biex dorna l-kantuniera,

imdawwra bis-seksieka

minn wara kull purtiers.

Ejj’għidli kif se nkomplu

infittxu soluzzjoni,

nimxuha din il-mixja

u naslu f’konklużżjoni.

Dil-fantastikazzjoni,

jew alluċinzzjoni,

bħal ħolm li ħlomt imqajjem

u s-saħna tal-passjoni.

Alfred Grech.
07-05-2017

Jien Lanqas Naf Għalfejn.

Jien lanqas naf għalfejn

Ridt noħroġ ma dil-qtajja

Għax din x’tellieqa tkun

Issewwi biss l-irqajja?

Jien laqnas naf għalfejn

Ridt noħroġ din id-darba

Li naf minn fejn għaddejt

Bħal min se jaħrab ħarba.

Jien lanqas naf għalfejn

Riduni noħroġ magħhom

U bla ma naf għalfejn

Twikkejt bis-slaleb tagħhom.

Jien lanqas naf għalfejn

Dal ħafna teatrini

U x’jiġri xħin immur

Xi ħadd irid jurini.

Jien lanqas naf għalfejn

L-uġih u dil-passjoni,

B’dan kollu fejn wasalt?

Xhini dil purċissjoni?

Biex jaħkem il-poter,

Kullħadd irid jibbrilla,

Jissara daqs serduq

U jdaħħlek f’xi bixkilla.

Jien lanqas naf għalfejn

B’dan kollu fejn se mmorru,

Għax kollox tar mar-riħ

U n-nies kull kif se jgorru.

Qaluli dal-partit

U tara kif jaqbillek,

Għalaqhom dawk għajnejk

Ma jmurx qatt ifettillek.

Jien lanqas naf għalfejn

Trid tgħodd ma dawn il-listi

Għax ma jinbidel xejn

Għajr il-protagonisti.

Jien lanqas naf għalfejn

Riduni npħroġ magħhom

Mhu ħa jinbbidel xejn

Twikkejt bis-slaleb tyagħhom.

Alfred Grech

06/05/2017

124.

Jien ma ridt qatt inkun fil-morsa tiegħek,

Profeta ta’ nofs kedda bla rewwieħa

Biex trewwaħ l-irjieħat tal-profezija

U tnajjar in-nirien tal-ġlied mistħajjel.

Dak kollu l’għamilt tajjeb bil-passjoni

Tistenna qatt li nagħmel xi miraklu

Ma ġrejtx warajk kull meta bdejt issejjaħ,

Għax għadni ma kontx lest għall-kolp tal-grazzja.

Imm’issa li sfidajtni u trid minn għandi

Nurik kemm inti stess ma tafx x’kont tagħmel,

U nperreċ ma kullħadd dnubietek sewda

Għax dan id-dramm qadim li taf tirreċta

Hu biss preludju żgħir sakemm tistaħba,

Imbagħad, imbagħad ma jisma’ bik ħadd aktar.

Alfred Grech

04/05/2017

L-Għanja tat-Tribu’

Ghedtuli nitla’ t-telgħa,

It-telgħa tal-kalvarju,

Nitgħallem dak li tafu

U nidħol ġdid fi djarkom..

Għedtuli nitla’ t-telgħa,

Nitgħallem litanija,

Fil-mixja gradwatorja

Li kienet ġdida għalija.

Malajr imtlejt bl-għerf tagħkom

Xħin għerf ġdid għallimtuni,

Biex issa wkoll għaddejthom

Fil-ħolm li ħallimtuni.

Biex issa xħin għaraftkom,

Sirt naf li xejn mhux veru,

M’intomx ħlief dell l-iħirsa,

Fid-dlam tad-dikasteru.

Biex issa li sirt nafkom,

Jien ma rrid xejn minn tagħkom,

Għax m’għandkom xejn mis-sewwa

U dak li ġġorru magħkom.

Ma rrid jien xejn minn tagħkom,

Ma tfissru xejn għalija

Duħħan ta’ simulakru

U xkora tal-mistħija.

Alfred Grech

03/05/2017

Jien Qed Infittex Ward.

Jien qed infittex ward li mhux tas-soltu

Aroma ġdida tidħol fi mnifsejja.

Hekk biss u b’dar-ritwal jien nista’ nemmen

Li nżomm il-bandla u l-ħajja tibqa’ għaddejja.

Dar-ritmi baxxi u qosra rallentanti,

Bil-friegħi taż-żebbuġ qalb ħafna slaleb.

Imbagħad int terġa’ tiġi titħassarni

U tneħħi minn fuq ħoġri l-pis li jagħaleb.

Għax għidli ftit kif qatt int tista tinsa’

L-aberrazzjonijiet ta’ triq qadima,

U kollox għal-darb’oħra jerġa’ lura

Ifittex skuża ġdida u mhux tagħlima.

Imbagħad ittenni terġa’ dak li għedtlek,

Għax issa sibt kliem ġdid bl-istess tifsira.

Dur lura ftit biex tara jekk hux bħali

Qed tara għalkemm il-vista’ ftit qasira.

Alfred Grech.

02/05/2017

Se Ndumu Nisimgħu?

Se ndumu nisimgħu

l-istejjer tal-ġenn,

li d-dinja se tieqaf,

kulħadd għall-infern?

Se ndumu nisimgħu

dal-ħafna qlajjiet,

ta’ min m’għandux x’jagħmel?

U din min fejun ġiet?

Se ndumu nisimgħu

nofs gideb, qlajjiet,

xi biċċa mis-sewwa,

u l-għeġubijiet?

Ta’ din is-sibilla

li tikxef l-għawar

u troxx fuq għajnejna

u timlihom bil-bżar?

U tbella’ lill-bċieċen

bil-faħam miblul

u tislet mibgheda

fost poplu mifxul?

Lil dawk is-seksieka

li jħobbu jinsew

it-travu f’għajnejhom

u b’dak li tgħabbew.

lil dawk is-seksieka

li jħobbu jaraw

il-ħsara f’ħaddieħor

jew biex jispjunaw.

Se ndumu nisimgħu

kif tkun kundannat

mis-saħta tal-folla

u dik tal-allat?

Se ndumu nisimgħu

dan-nofs verita’

u dal-ħafna qlajja

mingħajr karita’?

Se ndumu ‘l-dal-poplu

-għax hekk dejjem kien-

nasbuh li hu iblaħ

u bih jgħaddu ż-żmien?

Jew jieqaf u jaħseb,

għal-darba, darbtejn,

dal-ġlied u dil-firda,

dan kollu għalfejn?

U dal ħafna gwerer

dal-ħafna konflitt

min sejjer igawdi

sa fl-aħħar bi dritt?

Għalfejn hawn min jikxef

bil-lejl u bin-nhar,

misteri u sigrieti,

li kien u li sar?

Żgur mhux biex il-poplu

aħjar milli kien

isib ruħu isħaħ

U jgawwdi fiż-żmien.

Alfred Grech

01/05/2015.